Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 52-si ýasaba alyndy.

Daşary ýurt walýutasyna Kiprden gelen telekeçiler dizel ýangyjyny satyn aldylar. Mundan başga-da daşary ýurt walýutasyna nah ýüplük we pagta süýümi hem-de pagta galyndylary ýerlendi. Olary Russiýadan, Beýik Britaniýadan, Şweýsariýadan, Lihtenşteýnden, Maltadan, Singapurdan, Gonkongdan, Türkiýeden gelen wekiller satyn aldylar. Geleşikleriň umumy bahasy ABŞ-nyň 95 million 597 müň dollaryndan gowrak boldy.

Depozit manat serişdelerine Russiýadan, Beýik Britaniýadan, Şweýsariýadan, BAE-den, Türkiýeden, Hindistandan, Paksitandan, Ukrainadan we Gyrgyzystandan gelen telekeçiler gurluşyk tehnikasyny, pagta ýagyny, nah ýüplügini, dürli görnüşli süýji önümleri, saryja goýnuň ýüňüni, nah ýüplükleriň galyndylaryny satyn aldylar. Geleşikleriň umumy bahasy 8 million 373 müň manatdan gowrak boldy.