Daşary ýurt walýutasyna Beýik Britaniýadan, Birleşen Arap Emirliklerinden, Owganystandan we beýleki ýurtlardan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar, tehniki we yşyklandyryş kerosinini, awtoulag benzinini, gidroarassalanan dizel ýangyjyny, dizel ýangyjyny, polipropileni, az kükürtli ýangyç mazudyny, nebit koksuny satyn aldylar. Bulardan başga-da, daşary ýurt puluna nah ýüplükler, ownuk mallaryň derileri, pagta süýümi ýerlenildi. Satyn alan ýurtlar: Beýik Britaniýa, Şweýsariýa, Türkiýe we beýlekiler. Geleşikleriň umumy bahasy ABŞ-nyň 123 million 509 müň dollaryna deň boldy.

Depozit manat serişdelerine Russiýadan, Beýik Britaniýadan, Germaniýadan, Birleşen Arap Emirliklerinden, Gonkongdan, Türkiýeden we Eýrandan gelen telekeçiler umumy bahasy 11 million 65 müň manada deň bolan ýük göteriji tehnikany, jinsi önümlerini, süýji-köke önümlerini, pagta ýagyny we arassalanylan günebakar ýagyny, nah ýüplükleri, saryja goýnuň we düýe ýüňüni satyn aldylar.

Ýurdumyzyň telekeçileri içerki bazar üçin, umumy bahasa 135 müň manatlykdan gowrak möçberde polipropileni we polimer ownuklaryny (TNGIZT) satyn aldylar.