Türkmenistanyň Oba hojalyk ministrliginiň Ösümlikleri goramak gullugynyň Mary welaýat bölüminiň hünärmenleri tarapyndan geljekki ekişi zyýan beriji mör-möjeklerden netijeli biologiki goragyny üpjün etmek boýunça gowaça ekilmezinden birnäçe wagt öň utgaşdyryjy işler geçirildi.

Mary welaýatynda entomofaglary ýetişdirmek boýunça biobarlaghanalaryň elliden gowragy we biokärhalar ösümliklere ideg etmegiň bütin möwsüminde zyýan beriji mör-möjeklerden goramaga taýýar. Entomofaglary ýetişdirmek we ekin meýdanlaryna göýbermek ýygym möwsümine çenli, düzgün boýunça, birnäçe sapar göberiler.

Zyýan berijileriň ojaklary özüniň göwrümi we toplanyşy boýunça birmeňzeş däldir. Şonuň üçin hem olary kesgitlemek üçin meýdanda geçirilen deslapky gözlegler boýunça fenologiki kartalar düzülendir. Olar boýunça zyýan berijilere garşy göreşmegiň strategiýasy we taktikasy işlenilip taýýarlanylýar. Ekinlere entomofaglar – gabrobrakonlar, gyzylja gözlüler we trhogramlar öňüni alyş kadasynda göýberilýär. Biobarlaghanalaryň her biri möwsümde üçden bäş gektara çenli zyýankeşlere garşy göreş işlerini işläp taýýarlamaga mümkinçilik berýär, biokärhanalaryň kuwwatlylygy bolsa has hem ýokarydyr.

Murgap sebtinde ekinleri goramagyň biologiki usuly soňky on ýyllyklaryň dowamynda artykmaçlyklary bilen tapawutlanýar. Sebäbi ol himiki serişdeler bilen deňeşdirilende hem ykdysady, hem ekologiki taýdan örän amatlydyr.