Gubadag etrabynyň “Türkmenistan” daýhan birleşiginiň kärendeçileri 2230 tonnadan gowrak “ak altyn” tabşyryp, bu baradaky boýun alan borçnamalaryny Daşoguz welaýaty boýunça ilkinjileriň hatarynda ýerine ýetirmegi başardylar.

Bu gymmat bahaly tehniki ekini ýetişdirmek üçin ýurduň demirgazyk sebitiniň bu öňdebaryjy hojalygyna 1300 gektar ýer bölünip berildi. Ekin meýdanlaryna ýokary hasyllylygy, önümliligi, kesellere garşy durnuklylygy, ýokary we ýokary hilli süýüm berijiligi bilen tapawutlanýan hem-de ýerli toprak-howa şertlerine uýgunlaşan ýurduň seleksiýasy tarapyndan taýýarlanan gowaçanyň orta süýümli “Daşoguz-120” görnüşi ekildi.

“Türkmenistan” daýhan birleşiginiň ekerançylary döwlet tabşyrygyndan daşgary ýene-de Watan harmanyna 500 tonna pagta tabşyrmagy maksat edinýärler.