Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 21-si bellige alyndy.

Daşary ýurt walýutasyna Estoniýadan gelen telekeçiler Seýdiniň nebiti gaýtadan işleýän zawodynda öndürilen benzini satyn aldylar. Mundan başga-da, daşary ýurt puluna azyklyk bugdaý, nah ýüplük, pagta süýümi ýerlenildi. Satyn alan ýurtlar: Birleşen Arap Emirlikleri, Şweýsariýa, Singapur, Malta, Owganystan, Gyrgyzystan. Geleşikleriň umumy bahasy ABŞ-nyň 14 million 719 müň dollaryndan gowrak boldy.

Manat serişdelerine Russiýadan, Türkiýeden, Pakistandan gelen işewürler umumy bahasy 9 million 431 müň manatlykdan gowrak arassalanan pagta ýagyny, nah ýüplügini, hojalyk sabynyny satyn aldylar.