Daşary ýurt walýutasyna Türkiýeden, Birleşen Arap Emirliklerinden, Lýuksemburgdan, Latwiýadan we beýleki döwletlerden gelen işewürler Türkmenbaşydaky nebiti gaýtadan işleýän zawodlar toplumynda öndürilen gidrousulda arassalanan dizel ýangyjyny, nebit koksuny satyn aldylar. Bulardan başga-da, daşary ýurt puluna arassalanan pagta ýagyny, nah ýüplügi Russiýadan, Beýik Britaniýadan, Türkiýeden, Koreýa Respublikasyndan we beýleki ýurtlardan gelen telekeçiler satyn aldylar. Geleşikleriň jemi bahasy ABŞ-nyň 17 million 23 müň dollaryndan gowrak boldy.

Manat serişdelerine Russiýanyň, Beýik Britaniýanyň, Niderlendlaryň, Hindistanyň we beýleki ýurtlaryň işewür toparlarynyň wekilleri jemi bahasy 8 million 417 müň manatdan gowrak bolan nah ýüplügi, saryja we garaköli goýunlarynyň ýüňüni, pagta soapstogynyň çig ýagly kislotalaryny satyn aldylar.

Ýurdumyzyň telekeçileri içerki bazar üçin jemi bahasy 504 müň manatdan gowrak bolan azyklyk bugdaýy satyn aldylar.