Daşary ýurt walýutasyna Birleşen Arap Emirliklerinden gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini satyn aldylar. Mundan başga-da, Russiýadan, BAE-den, Türkiýeden, Ukrainadan, Gyrgyz Respublikasyndan gelen işewürler daşary ýurt puluna nah ýüplügi we pagta süýümini satyn aldylar. Geleşikleriň jemi bahasy ABŞ-nyň 6 million 213 müň dollaryndan gowrak boldy.

Manat serişdelerine Beýik Britaniýanyň, Niderlandlaryň, BAE-niň we Pakistanyň işewür toparynyň wekilleri jemi bahasy 4 million 563 müň manatdan gowrak nah ýüplügi satyn aldylar.

Ýurdumyzyň telekeçileri içerki bazar üçin jemi bahasy 565 müň manatdan gowrak awtoulagy we polipropileni (TNGIZT) satyn aldylar.