Daşary ýurt puluna Beýik Britaniýadan, Birleşen Arap Emirliklerinden we Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen polipropileni we binýatlyk ýagy satyn aldylar. Owganystanly işewürler “Türkmenhimiýa” döwlet konserninle öndürilen “B” kysymly karbamide isleg bildirdiler. Mundan başga-da, daşary ýurt puluna nah ýüplük we mata, tüýjümek önümleriň giň görnüşi, arassalanan pagta ýagy, azyklyk däne satyldy. Olary Russiýadan, Birleşen Arap Emirliklerinden, Şotlandiýadan, Türkiýeden, Owganystandan, Ukrainadan, Gyrgyzystandan gelen işewürler satyn aldylar. Geleşikleriň jemi bahasy ABŞ-nyň 13 million 151 müň dollaryndan gowrak boldy.

Manat serişdelerine Russiýa Federasiýasynyň işewür toparynyň wekilleri jemi bahasy 2 million 499 müň manatdan gowrak nah ýüplügini, arassalanan pagta ýagyny, pagta şrotyny satyn aldylar.