Daşary ýurt walýutasyna Türkiýeden, Birleşen Arap Emirliklerinden we Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini, awtobenzini, gidroarassalaýyşdan geçen dizel ýangyjyny we nebit koksyny satyn aldylar. Bulardan başga-da, daşary ýurt puluna tekiz boýalan we tüýjümek önümler, jinsi matalary, ýorgan-düşek toplumy, azyklyk bugdaý, nah ýüplük, pagta süýümi satyldy. Olary Russiýadan, ABŞ-dan, Beýik Britaniýadan, Şweýsariýadan, Türkiýeden, BAE-den, Singapurdan, Owganystandan, Gyrgyzystandan, Ukrainadan we beýleki ýurtlardan gelen alyjylar satyn aldylar. Geleşikleriň jemi bahasy ABŞ-nyň 48 million 103 müň dollaryndan gowrak boldy.

Manat serişdelerine Russiýanyň, Slowakiýanyň, BAE-niň we Pakistanyň işewür toparlarynyň wekilleri jemi bahasy 5 million 184 müň manatdan gowrak bolan nah matalary we nah ýüplükleri satyn aldylar.

Içerki bazarda ýurdumyzyň telekeçileri umumy bahasy 3 million 22 müň manatlykdan gowrak bolan, ýük ulagyny, polipropileni, gaty gurluşyk nebit bitumyny (TNGIZT) satyn aldylar.