Daşary ýurt walýutasyna Birleşen Arap Emirliklerinden, Gonkongdan we beýleki ýurtlardan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini, dizel ýangyjyny, az kükürtli ýangyç mazuty, arassalanmadyk gaty parafini satyn aldylar. Beýik Britanyýadan we Owganystandan gelen işewürler Seýdiniň nebiti gaýtadan işleýän zawodynda öndürilen göni arassalaýyşdan geçirilen benzini we dizel ýangyjyny satyn aldylar.Bulardan başga-da, daşary ýurt walýutasyna Russiýadan, Türkiýeden, Owganystandan, Belarusdan, Ukrainadan telekeçilere azyklyk bugdaý, dürli görnüşli boýalan tüýjümek önümler, mata we nah ýüplügi, pagta süýümi ýerlenildi. Geleşikleriň umumy bahasy ABŞ-nyň 47 million 937 müň dollaryndan gowrak boldy.

Içerki bazar üçin ýerli telekeçiler jemi 6 million 72 müň manatlyk polipropileni, nebit ýol bitumyny (TNGIZT) we azyklyk bugdaý satyn aldylar.