11-nji noýabrda «Abris» şereketi «Türkmenistanyň Ykdysadyýetçiler bileleşigi» milli jemgyýetçilik birleşmesiniň goldawy bilen «Iş nokady» kworkiň merkezinde türkmen hünärmenleri üçin maslahat geçirdi. Maslahat ulgam tehnologiýalaryndaky innowasiýalara we MT infrastrukturasynyň sanly özgertmesine bagyşlandy.

Çäre «Cisco» hünärmenleriniň gatnaşmagynda geçdi, olar ulgam çözgütlerini ornaşdyrmakda halkara tejribelerini, şeýle hem maglumatlary işleýän merkezleri dolandyrmakda awtomatlaşdyrma hem energiýa tygşytlaýjy çemeleşmeler barada maglumat berdiler.

Maslahatda esasy çykyş edenler «Cisco» ulgam çözgütleri boýunça hünärmen inžener Madi Dosmaganbetow we «Cisco Systems» kompaniýasynyň akkaunt dolandyryjysy Nargiz Kuşakowa boldy.

Çykyş edenler diňleýjileri MT infrastrukturasynyň ösüşiniň iň soňky ugurlary bilen tanyşdyrdylar we durnukly ösüş hem korporatiw ulgamlaryň netijeliligini ýokarlandyrmak üçin «Cisco» tehnologiýalaryny ulanylyşyna ünsi jemlediler. 

Maslahat MT hünärmenleri bilen ykdysady düzümleriň wekilleriniň arasyndaky hünär gatnaşyklaryny pugtalandyrdy we oňa gatnaşanlara gönüden-göni «Cisco» inženerçilik hünärmenlerinden gymmatly amaly maslahatlardyr degişli bilimleri almaga mümkinçilik berdi.