12-14-nji noýabr aralygynda Aşgabatda «Türkmentel – 2025» atly XVIII halkara sergi we ylmy maslahat, şeýle hem «Halkara ulag-üstaşyr geçelgeleri: özara arabaglanyşyk we ösüş – 2025» atly halkara maslahat we sergi geçirilýär.
Forumyň guramaçylaryna we oňa gatnaşanlara ýüzlenip, Halkara elektroaragatnaşyk birleşiginiň (ITU) Baş sekretary Dorin Bogdan-Martin Türkmenistanyň giper baglanyşykly dünýä şertlerine laýyk bolmaga goşan goşandyna ýokary baha berdi.
«Türkmenistan sanly infrastrukturany döretmekde uly üstünlik gazandy. Şu ugur boýunça türkmen hünärmenleri döwrebap «akylly» Arkadag şäherinde sanly çözgütleri we tehnologiýa pudagyndaky iň soňky üstünlikleri birleşdirýän 5G aragatnaşyk standartyny işe girizdiler» diýip, halkara guramasynyň ýolbaşçysy belledi.
ITU-nyň ýolbaşçysy dünýäniň gün tertibine geçip, adamzadyň häzirki hereket meýilnamasynyň sanly deňsizligi aradan aýyrmak we giper baglanyşykly dünýäniň şertlerine laýyk bolmak üçin köp maliýe serişdesiniň hem wagtyň – takmynan 2030-njy ýyla çenli zerurdygyny görkezýändigini belledi.
Şu nukdaýnazardan, Dorin Bogdan-Martin «Türkmentel – 2025» halkara ýerligiň netijeli wezipesine aýratyn ünsi çekdi. «Biz bilim alyşmagy dowam etdirmeli; biz birleşmeli we biri-birimiziň innowasiýalarymyza söýenmeli. Şeýle hyzmatdaşlyk umumy maksatlara ýetmek üçin hemişe möhümdir. «Biz diňe halkara häsiýetli bolan «Türkmentel-2025» forumynyň birleşmegimiz we biri-birimizden iň gowy zatlary almagymyz üçin ajaýyp ýerlik bolup hyzmat edýändigine çuňňur ynanýarys» diýip, ITU-nyň Baş sekretary aýtdy.
