Gündogarda baharyň gelmegi gadymy döwürlerden bäri şatlyk-şowhunly baýram edilip gelinýär. Bu ýagdaý her bir öýde, arassa, dury howada, gök öwüsýän otlarda, daragt şahalaryndaky pyntyklarda duýulýar. Şu günlerde muzeýlerde we galereýalarda geçirilýän sergiler Milli bahar baýramyny – Halkara Nowruz baýramyny garşy alýan ildeşlerimiziň duýgularyny suratkeşleriň nähili beýan edýändigini aýdyň görkezýär.
Türkmenistanyň Medeniýet ministrliginiň şekillendiriş sungatynyň sergi merkezinde türkmen suratkeşleriniň Halkara Nowruz baýramyna bagyşlanan eserleriniň sergisi açyldy. Bu baýramyň rowaýaty tebigaty, Çarymyrat Ýazmyradowyň «Leýlisaç» atly suratynda-da görünýär. Aşyklar ýagyşdan leýlisaçyň saýasynda gizlenýärler.
– Meni bu suraty döretmäge Gahryman Arkadagymyzyň adybir goşgusy ylhamlandyrdy – diýip, Çarymyrat aýdýar. – Baharyň gelmegi bilen, ýagyş köp ýagýar. Ýer toprakda yzgar toplamak höwesi bilen, olary gana-gana içýän-de bolsa, ýagyş aşyklar üçin biraz kynçylyk döredýär. Leýlisaçyň astynda gizlenmek bolýanlygy-da bir gowy zat.
Halkara Nowruz baýramynyň iň gyzykly pursatlary Aleksandr Kinýakiniň «Küştdepdi» suratynda-da beýan edilýär. Garaýyşlary özboluşly döredijilikli üýtgetmek bilen, suratkeş halk baýramynyň şatlyk-şagalaňyny janlandyrypdyr. Baýramda depginli aýak oýnuny ýerine ýetirýän zenanlar göze köp ilýär. Suratkeş olary ýakyndan, ulaldyp görkezýär. Kinýakiniň işi sergä gelenleri maglumaty aňa ýetirmegiň täzeçe usuly bilen gyzyklandyrdy.
Başga bir suratkeş – Meýlis Çaryýew tomaşaçylara ajaýyp gül dessesini hödürledi. Üç reňkiň – sary, ýaşyl we ak reňkleriň ulanylmagy bilen çekilen bu surat nakgaş ussahanasyndaky çotgalary ýatladýan gül dessesi suratlandyrylypdyr. Bu surat täzeligi, keýpihonlyk we ajaýyplyk duýgusy bilen tapawutlanýar.
Karina Klewakina ýazda şäheriň daşyna seýle çykypdyr. Ol her ädimde, duş gelip, «suratymy çek» diýýän manzaralara aşyk bolupdyr diýen ýaly. Karina sergä gelenler bilen «Bars jülgesi» we «Kelete» peýzažlarynyň ýatdan çykmajak täsirlerini paýlaşdy, bu bolsa olarda bu gözel ýerleri görmek islegini döretdi.
Öwezmämmet Öweznurowyň «Jennet gülleri» işinde bahar, hakykatdanam, gül açypdyr. Suratkeş bir gyzjagazy açylýan läleleriň arasynda çemenlikde suratlandyrypdyr. Bahar – ýylyň iň gowy çagy, her gezek tebigata çykanyňda, muňa göz ýetirýärsiň. «Jennet gülleri» bolsa munuň subutnamasydyr. Ogulsoltan Şöhradowa we Bahar Pirgulyýewa sergide gyzykly gobelenleri görkezdiler. Ogulsoltan «Zenanlar» atly eserinde gahryman zenanlary we küýzeleri suratlandyrmak üçin, süýnmekden uzyn görnüşleri ulanypdyr. Bahar «Enelik» atly işinde realistik usulyny ulanypdyr.
Abdymuhammet Oramadow «Nowruz» atly kiçijek heýkeli görkezdi. Heýkeltaraş Gündogarda Nowruz baýramynyň esasy düzümi bolan bugdaý maýsalaryny elde tutup duran oral aýalyň şekilini döredipdir. Baharyň gelmegine bagyşlanan sergide Irina Dolgowanyň «Sazandalar», Şagylyç Ataýewiň «Baglar gülledi» we «Tut agaçlary», şeýle hem Inna Legenskaýanyň «Läleler» ýaly başga-da köp sanly ajaýyp eserler bar. Bu eserleriň bary bahary garşylamak, ýurdumyzyň ilatynyň baýram duýgulary we asuda asmanyň astynda ýaşamagyň bagtyýarlygy barada gürrüň berýär.
