Paýtagtymyzyň Sportuň gyşky oýunlary toplumynda 2013-2014-nji ýyllaryň möwsüminde hokkeý boýunça Türkmenistanyň birinji çempionaty geçýär. Bu bäsleşikler, hakykatdan hem, hokkeý boýunça türkmen sportunyň taryhyna täze sahypany ýazar. Oňa gatnaşyjylar üç aýyň dowamynda baýraklar ugrunda göreşer, eýýäm bu ýaryşlaryň iki tapgyry oýnaldy we güýçli toparlaryň ikisi öňe saýlandy.
Sportuň bu görnüşi biziň ýurdumyzda ýakyndan bäri meşhur bolup başlady. Türkmen ýaşlarynyň arasyndan zehinli hokkeýçiler saýlanyp başlady. Olar birnäçe ýyl mundan ozal hem sportuň bu görnüşine diňe telewizorda tomaşa edip bilýärdiler. Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň sport ulgamyny ösdürmek boýunça durmuşy geçirýän syýasaty netijesinde fuguralaýyn typmak we hokkeý bilen meşgullanmak üçin giň mümkinçilikler açyldy.
Bu sport toplumynda eýýäm dürli halkara ýaryşlary birnäçe gezek geçirilipdi. Olaryň iň esasylarynyň biri şu ýylyň fewral aýynda guraldy. Şonda ýetginjekler toparlary Türkmenistanyň Prezidentiniň Kubogy ugrunda ilkinji gezek geçirilen ýaryşlarda güýç synanyşdylar. Oňa gatnaşmak üçin Aşgabada Russiýadan, Belarusdan, Türkiýeden we Birleşen Arap Emirliklerinden toparlaryň 6-sy geldi.
Şol ýaryşlarda “Türkmengaz” döwlet konserniniň “Oguzhan” toparynyň hokkeýçileri finala çykyp, kümüş medala mynasyp boldular. Eger-de türkmen türgenleriniň sportuň bu görnüşi bilen ýaňy-ýakynda meşgullanyp başlandyklaryny nazara alanyňda, bu haýran galdyryjy üstünlikdir.
Hokkeý boýunça Türkmenistanyň Prezidentiniň Kubogyny almak ugrundaky ikinji ýaryşlar geljek ýylyň 8-18-nji fewraly aralygynda geçiriler. Oňa hem hokkeý boýunça dünýäniň öňdebaryjy ýurtlarynyň birnäçesinden toparlar gatnaşar.
(HTMM)-niň sportuň bu görnüşi boýunça Halkara federasiýasy bilen ýakyndan hyzmatdaşlyk etmegi hem türkmen hokkeýini ösdürmegiň ýolunda uly ädim bolar. Hususan-da, Halkara hokkeý federasiýasynyň nobatdaky kongresinde biziň ýurdumyzyň sport guramasynyň onuň agzalygyna kabul edilmegi baradaky meseläniň gün tertibine girizjekdiklerine ynandyrdylar. Häzir türkmen tarapy zerur resminamalary taýýarlamak işlerini alyp barýar.
Türkmenistanyň Hokkeý boýunça milli merkeziniň Halkara federasiýasynyň düzümine girmegi biziň türgenlerimiziň islendik halkara ýaryşlaryna, şol sanda dünýä çempionatlaryna we gyşky Olimpiýa oýunlaryna gatnaşmaga doly mümkinçilik açar. Şeýle hem hokkeý boýunça türkmen tälimçileri we eminleri dürli halkara seminarlarynda we maslahatlarynda öz hünär derejelerini ýokarlandyryp bilerler.
Türkmenistanyň hokkeý boýunça birinji çempionaty barada gürrüňi dowam etdirenimizde bolsa oňa 8 topar – Içeri işler ministrliginiň “Galkan”, Goranmak ministrliginiň Harby institutynyň “Watançy”, Aragatnaşyk ministrliginiň “Alp Arslan”, Haryt-çig mal biržasynyň “Şir”, Döwlet serhet gullugynyň “Merdana”, “Türkmengaz” döwlet konserniniň “Oguzhan”, IIM-niň institutynyň “Nesil” we Sport baradaky döwlet komitetiniň sport mekdebiniň “Bagtyýarlyk” toparlary gatnaşýarlar.
Ýaryşlar iki aýlaw boýunça geçirilýär. Olaryň hersinde 28 oýun oýnalar. Şeýlelikde, bäsdeşleriň ählisi biri-biri bilen dört gezek duşuşar. Birinji – dördünji orunlary eýelän toparlar indiki ýylyň bahar paslynda öz aralarynda Türkmenistanyň ilkinji Kubogyny almak ugrunda güýç synanyşar.
Çempionatyň iki tapgyryndan soň, “Galkan” topary alty utuk bilen öňde barýar. Onuň oýunçylary “Watançy” we “Bagtyýarlyk” toparlarynyň derwezelerine jemi 40 hokkeý topuny geçirip, öz derwezelerine ýekeje hokkeý topuny hem goýbermediler.
Geçirilen hokkeý toplarynyň tapawudy boýunça bu topar birinjiligi eýeleýär. Ýogsam, “Nesil” we “Şir” toparlarynyň hem hersiniň alty utugy bar. “Galkanyň” oýunçysy Aleksandr Wahowskiý 12 hokkeý topuny geçirip, çempionatda bu görkeziji boýunça öňdeligi eýeleýär.
“Bagtyýarlyk” we “Merdana” toparlarynyň hersiniň 3 utugy bar. Beýleki toparlar entek utuk gazanyp bilmediler.
Birinji aýlawyň üçünji tapgyry 2-3-nji noýabrda geçiriler.
Sportuň bu görnüşi biziň ýurdumyzda ýakyndan bäri meşhur bolup başlady. Türkmen ýaşlarynyň arasyndan zehinli hokkeýçiler saýlanyp başlady. Olar birnäçe ýyl mundan ozal hem sportuň bu görnüşine diňe telewizorda tomaşa edip bilýärdiler. Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň sport ulgamyny ösdürmek boýunça durmuşy geçirýän syýasaty netijesinde fuguralaýyn typmak we hokkeý bilen meşgullanmak üçin giň mümkinçilikler açyldy.
Bu sport toplumynda eýýäm dürli halkara ýaryşlary birnäçe gezek geçirilipdi. Olaryň iň esasylarynyň biri şu ýylyň fewral aýynda guraldy. Şonda ýetginjekler toparlary Türkmenistanyň Prezidentiniň Kubogy ugrunda ilkinji gezek geçirilen ýaryşlarda güýç synanyşdylar. Oňa gatnaşmak üçin Aşgabada Russiýadan, Belarusdan, Türkiýeden we Birleşen Arap Emirliklerinden toparlaryň 6-sy geldi.
Şol ýaryşlarda “Türkmengaz” döwlet konserniniň “Oguzhan” toparynyň hokkeýçileri finala çykyp, kümüş medala mynasyp boldular. Eger-de türkmen türgenleriniň sportuň bu görnüşi bilen ýaňy-ýakynda meşgullanyp başlandyklaryny nazara alanyňda, bu haýran galdyryjy üstünlikdir.
Hokkeý boýunça Türkmenistanyň Prezidentiniň Kubogyny almak ugrundaky ikinji ýaryşlar geljek ýylyň 8-18-nji fewraly aralygynda geçiriler. Oňa hem hokkeý boýunça dünýäniň öňdebaryjy ýurtlarynyň birnäçesinden toparlar gatnaşar.
(HTMM)-niň sportuň bu görnüşi boýunça Halkara federasiýasy bilen ýakyndan hyzmatdaşlyk etmegi hem türkmen hokkeýini ösdürmegiň ýolunda uly ädim bolar. Hususan-da, Halkara hokkeý federasiýasynyň nobatdaky kongresinde biziň ýurdumyzyň sport guramasynyň onuň agzalygyna kabul edilmegi baradaky meseläniň gün tertibine girizjekdiklerine ynandyrdylar. Häzir türkmen tarapy zerur resminamalary taýýarlamak işlerini alyp barýar.
Türkmenistanyň Hokkeý boýunça milli merkeziniň Halkara federasiýasynyň düzümine girmegi biziň türgenlerimiziň islendik halkara ýaryşlaryna, şol sanda dünýä çempionatlaryna we gyşky Olimpiýa oýunlaryna gatnaşmaga doly mümkinçilik açar. Şeýle hem hokkeý boýunça türkmen tälimçileri we eminleri dürli halkara seminarlarynda we maslahatlarynda öz hünär derejelerini ýokarlandyryp bilerler.
Türkmenistanyň hokkeý boýunça birinji çempionaty barada gürrüňi dowam etdirenimizde bolsa oňa 8 topar – Içeri işler ministrliginiň “Galkan”, Goranmak ministrliginiň Harby institutynyň “Watançy”, Aragatnaşyk ministrliginiň “Alp Arslan”, Haryt-çig mal biržasynyň “Şir”, Döwlet serhet gullugynyň “Merdana”, “Türkmengaz” döwlet konserniniň “Oguzhan”, IIM-niň institutynyň “Nesil” we Sport baradaky döwlet komitetiniň sport mekdebiniň “Bagtyýarlyk” toparlary gatnaşýarlar.
Ýaryşlar iki aýlaw boýunça geçirilýär. Olaryň hersinde 28 oýun oýnalar. Şeýlelikde, bäsdeşleriň ählisi biri-biri bilen dört gezek duşuşar. Birinji – dördünji orunlary eýelän toparlar indiki ýylyň bahar paslynda öz aralarynda Türkmenistanyň ilkinji Kubogyny almak ugrunda güýç synanyşar.
Çempionatyň iki tapgyryndan soň, “Galkan” topary alty utuk bilen öňde barýar. Onuň oýunçylary “Watançy” we “Bagtyýarlyk” toparlarynyň derwezelerine jemi 40 hokkeý topuny geçirip, öz derwezelerine ýekeje hokkeý topuny hem goýbermediler.
Geçirilen hokkeý toplarynyň tapawudy boýunça bu topar birinjiligi eýeleýär. Ýogsam, “Nesil” we “Şir” toparlarynyň hem hersiniň alty utugy bar. “Galkanyň” oýunçysy Aleksandr Wahowskiý 12 hokkeý topuny geçirip, çempionatda bu görkeziji boýunça öňdeligi eýeleýär.
“Bagtyýarlyk” we “Merdana” toparlarynyň hersiniň 3 utugy bar. Beýleki toparlar entek utuk gazanyp bilmediler.
Birinji aýlawyň üçünji tapgyry 2-3-nji noýabrda geçiriler.
