Ýokary ligadaky toparlaryň arasynda futbol boýunça Türkmenistanyň çempionatynda nobatdaky tapgyryň oýunlary oýnaldy. Milli birinjilik ugrundaky bäsleşigiň sekizinji tapgyryny köpugurly “Aşgabat” stadionynda “Aşgabat” toparynyň we Marynyň “Merw” toparynyň futbolçylary açdylar. Soňky dört oýnuň dowamynda ýeňiş gazanmadyk aşgabatlylar oýna aýgytly girişdiler we birinji tapgyra goşulan birinji minutda hasaby açdylar. Olar oýnuň tamamlanmagyna 3 minut galanda paýtagtly futbolçylar myhmanlaryň derwezesine ikinji pökgini girizdiler. Şeýlelikde, olar 2:0 hasaby bilen “Merw” toparyny eýýäm ikinji ýeňlişe sezewar etdiler.
Şol ýeňişden soň, “Aşgabat” topary 11 utuk bilen ýaryş tablisasynyň altynjy basgançagyna çykdy. “Merw” topary 12 utuk bilen güýçli toparlaryň bäşliginiň iň yzynda barýar.
Şu gün köpugurly “Aşgabat” stadionynda tapgyryň beýleki oýnunda “Talyp sporty” we “Daşoguz” toparlary duşuşdylar. Eýýäm duşuşygyň başynda ýurdumyzyň demirgazyk welaýatynyň futbolçylary hasaby açdylar. Emma geçirilen pökgi Türkmenistanyň at gazanan tälimçisi B.Durdyýewiň şägirtlerini ruhdan düşürmedi, olar arakesmä çenli diňe bir hasaby deňlemek bilen däl, eýsem, 2:1 hasaby bilen öňe hem saýlandylar. Oýnuň tamamlanmagyna 6 minut galanda talyplar myhmanlaryň derwezesine ýene bir pökgini girizip, 3:1 hasaby bilen ýeňiş gazandylar.
Şeýlelikde, “Talyp sporty” topary 8 utuk gazanyp, iki ýeňişden we bir deňlikden soň üç oýunda utukly tapgyry dowam etdirdiler. Ýedinji orny eýeleýän ýurdumyzyň häzirki çempiony Halkara türkmen-türk uniwersitetiniň toparynyň hem şonuň ýaly utuklary bar. Ýöne bu topar iki oýny az oýnady.
Sekizinji tapgyryň galan oýunlary (Halkara türkmen-türk uniwersiteti—“Bagtyýarlyk-Lebap”, “Balkan”—“Şagadam” we “Altyn asyr” -“Ahal”) 26-njy aprele geçirildi. Ýokary ligadaky toparlaryň arasynda futbol boýunça Türkmenistanyň çempionatynda 16 utuk gazanan, paýtagtymyzyň “Altyn asyr” toparynyň öňde barýandygyny ýatlap geçmeli. Şondan soň 15 utuk gazanan “Ahal” we 13 utuk gazanan Türkmenbaşynyň “Şagadam” toparlary barýar. Ýurdumyzyň futbol çempionatynyň dokuzynjy tapgyry 12-nji aprelde “Merw” we “Talyp sporty” toparlarynyň oýny bilen badalga alar.
Şol ýeňişden soň, “Aşgabat” topary 11 utuk bilen ýaryş tablisasynyň altynjy basgançagyna çykdy. “Merw” topary 12 utuk bilen güýçli toparlaryň bäşliginiň iň yzynda barýar.
Şu gün köpugurly “Aşgabat” stadionynda tapgyryň beýleki oýnunda “Talyp sporty” we “Daşoguz” toparlary duşuşdylar. Eýýäm duşuşygyň başynda ýurdumyzyň demirgazyk welaýatynyň futbolçylary hasaby açdylar. Emma geçirilen pökgi Türkmenistanyň at gazanan tälimçisi B.Durdyýewiň şägirtlerini ruhdan düşürmedi, olar arakesmä çenli diňe bir hasaby deňlemek bilen däl, eýsem, 2:1 hasaby bilen öňe hem saýlandylar. Oýnuň tamamlanmagyna 6 minut galanda talyplar myhmanlaryň derwezesine ýene bir pökgini girizip, 3:1 hasaby bilen ýeňiş gazandylar.
Şeýlelikde, “Talyp sporty” topary 8 utuk gazanyp, iki ýeňişden we bir deňlikden soň üç oýunda utukly tapgyry dowam etdirdiler. Ýedinji orny eýeleýän ýurdumyzyň häzirki çempiony Halkara türkmen-türk uniwersitetiniň toparynyň hem şonuň ýaly utuklary bar. Ýöne bu topar iki oýny az oýnady.
Sekizinji tapgyryň galan oýunlary (Halkara türkmen-türk uniwersiteti—“Bagtyýarlyk-Lebap”, “Balkan”—“Şagadam” we “Altyn asyr” -“Ahal”) 26-njy aprele geçirildi. Ýokary ligadaky toparlaryň arasynda futbol boýunça Türkmenistanyň çempionatynda 16 utuk gazanan, paýtagtymyzyň “Altyn asyr” toparynyň öňde barýandygyny ýatlap geçmeli. Şondan soň 15 utuk gazanan “Ahal” we 13 utuk gazanan Türkmenbaşynyň “Şagadam” toparlary barýar. Ýurdumyzyň futbol çempionatynyň dokuzynjy tapgyry 12-nji aprelde “Merw” we “Talyp sporty” toparlarynyň oýny bilen badalga alar.
