>“Sagdynlyk we bagtyýarlyk” diýen şygar astynda geçirilýän köpçülikleýin sport çäresi pellehana tarap ýola düşdi. Bu çäräniň çäklerinde tutuş ýurdumyz boýunça halkara we milli ýaryşlaryň, maslahatlaryň, bäsleşikleriň onlarçasy geçirilýär, täze sport desgalarynyň we beýlekileriň açylyşlary bolýar. Ýoluň üçden iki bölegi yzda galdy, emma sport meýdançalaryndaky bäsleşikleriň ruhy sagdyn durmuş ýörelgesiniň tarapdarlaryny umymymilli ýaryşlaryň älemine çekmegini dowam edýär. Diňe geçen dynç günleri paýtagtymyz Aşgabatda we ýurdumyzyň beýleki şäherlerinde karting, uşu, sport gimnastikasy, basketbol, baýdarkalarda we kanoede kürekleme we sportuň beýleki görnüşleri boýunça Türkmenistanyň çempionatlarynyň çäklerinde medal toplumlarynyň ýüzlerçesi ugrunda bäsleşildi.
Karting boýunça ýaryşlar Türkmenistanyň Içeri işler ministrliginiň Sport awtoulaglar merkeziniň täze ýaryş ýodasynda geçdi. Ýeňijiler kartlaryň hereketlendirijileriniň göwrümini nazara almak bilen, 6 ugur boýunça kesgitlendi.
Ýaryşlara gatnaşan ýeke-täk zenan – 16 ýaşly aşgabatly türgen Dürnabat Garlyýewa öz bäsdeşleri bilen ýaryşyp, bäsleşikde oňat netijeleri görkezmegi başardy. Ol awtosport merkeziniň toparyna wekilçilik edip, hereketlendirijileriniň göwrümi 125 kub santimetr, mehaniki tizlik üýtgediji gutuly kartlarda geçirilen ýaryşlarda ikinji orny eýeledi. Bu toparda ýeňişi Türkmenistanyň Awtomobil ulaglary ministrliginiň toparyndan Ahmat Wartanow gazandy. Ol tizlik gutusy awtomatly hereketlendirijileriň şunuň ýaly göwrüme eýe bolan kartlarda geçirilen ýaryşlarda hormat münberiniň iň ýokary basgançagyna çykdy. Onuň inisi Amir Wartanow hem hereketlendirijileri 50 we 60 kub bolan kartlarda geçirilen ýaryşlarda ýeňiş gazanyp, altyn medallaryň ikisine eýe boldy.
Hereketlendirijisiniň göwrümi 125 kub bolan “Patriot” derejli kartlarda geçirilen ýaryşlarda Awtomobil ulaglary ministrliginiň toparyndan Ýuriý Žulin gowy tizlik görkezijilerini gazanmagy başardy. Iň kuwwatly ýaryş kartlarynda – “Halkara” derejeli 125 kubly kartlarda Sport awtoulaglary merkezinden Begenç Annaýew ýeňiş gazandy.
Ýaryşyň iň ýaş türgeni – Hazar şäheriniň (Balkan welaýaty) toparyndan 7 ýaşly Maksim Andreýewi hem agzaman geçip bolmaz, ol hereketlendirijisiniň göwrümi 50 küb bolan ýaryş ulaglarynda çykyş edip, kümüş medala eýe boldy.
Umumy toparlaýyn ýaryşda IIM-niň SAM-yndan Marks Orazmämmedowyň okuwçylary 95 utuk toplap, ynamly ýeňiş gazandylar. Awtomobil ulaglary ministrliginiň topary ikinji orny eýeledi. Üçünji orna deňizýaka sebitiniň türgenleri mynasyp boldular.
27-nji aprelde Sport awtoulaglary merkeziniň şol ýaryş ýodasynda bedenterbiýe - sport we medeni-sagaldyş çäreleriniň biraýlygynyň çäklerinde milli ýaryşlaryň ýene-de biri geçiriler. Bu ýerde “Volkicar” ýaryş ulaglarynda awtosport boýunça Türkmenistanyň çempionaty geçiriler. Bu ýaryşlar has uly synaglara taýýarlyk tapgyrlarynyň biri bolar: şu ýylyň güýzünde biziň ýurdumyzda awtomobil ýaryşlarynyň halkara bäsleşigi geçirilip, oňa dünýäniň köp ýurtlaryndan ussat sürüjiler çagyrylar.
Paýtagtymyzyň “Galkynyş” sport toplumynda dört günüň dowamynda geçirilen ýetginjekleriň we uly ýaşly adamlaryň arasynda uşu boýunça Türkmenistanyň çempionatyna ýurdumyzyň ähli welaýatlaryndan türgenleriň 200-den gowragy gatnaşdylar. Şonda medallar ugrunda diňe hytaý tutluşygynyň eýerijileri däl-de, eýsem, taý boksy, hanmudo we söweş sambosy ýaly görnüşleriň wekilleri hem bäsleşdiler. Bu çempionat şu ýylyň esasy sport ýaryşlaryna –ýetginjekleriň Bütindünýä Olimpiýa oýunlaryna, şeýle hem Aziýa oýunlaryna taýýarlygyň möhüm tapgyryna öwrüldi.
Ýeri gelende aýtsak, awgust aýynda Hytaýda geçiriljek Bütindünýä Olimpiadasynda türkmen türgenleri uşu boýunça bäsleşiklerde agram derejeleriniň üçüsinde – ýetginjekler toparynda 60-dan 70 kilograma çenli we gyzlaryň toparynda 52 kilograma çenli agram derejelerinde çykyş ederler. Biziň ýaş ussatlarymyz – gadymy söweş sungatynyň ussat türgenleri bu hukuga ýakynda Türkiýe Respublikasynda geçirilen dünýä çempionatynda dünýäniň güýçli türgenleriniň sekizliginiň hataryna girmek bilen eýe boldular. Sentýabr aýynda Koreýa Respublikasynda geçiriljek Aziýa oýunlarynda türkmen ýygyndy topary agram derejeleriniň altysynda – erkekleriň 4 we zenanlaryň 2 agram derejelerinde çykyş ederler.
Türkmenistanyň çempionaty barada aýdylanda bolsa, şunda iň gowy sport taýýarlygyny aşgabatly türgenler görkezip, olar umumy toparlaýyn ýaryşda hem-de ýetginjekleriň we uly ýaşly türgenleriň toparlarynda birinji orunlary eýelediler.
Ak mermerli paýtagtymyz Aşgabat şäheri geçen dynç günleri basketbol boýunça Türkmenistanyň çempionatyny hem kabul etdi. Ýaryşlar türgenleriň üçüsinden ybarat bolan toparlaryň arasynda geçirilip, oýnuň özi basketbol meýdançasynyň bir böleginde oýnalýar. Çempionlyk derejesi ugrunda toparlaryň 16-sy—her welaýatdan sport toparlarynyň 2-si we Aşgabatdan 6-sy bäsleşdiler. Finalda paýtagtymyzyň toparlarynyň 2-si – “Belent” we Türkmenistanyň Goranmak ministrliginiň harby institutynyň toparlary duşuşdylar. Gyzykly geçen bäsleşigiň barşynda Watanymyzyň geljekki goragçylary 15:11 hasap bilen ynamly ýeňiş gazandylar.
Çekeleşikli bäsleşik üçünji orun ugrundaky oýunda “Lebap-1” topary bilen Goranmak ministrliginiň institutynyň ikinji toparynyň arasynda ýaýbaňlandy. Oýnuň esasy wagty ýeňijini kesgitläp bilmän, ýaryş tablosynda deňme-deň hasaby – 17:17 belgileri görkezdi. Oýnuň düzgünine görä, goşmaça raund toparlarynyň haýsy-da bolsa biri bäsdeşinden iki utuk köp toplaýança dowam edýär. Netijede lebaply basketbolçylar 19:18 hasaby bilen ýeňiş gazandylar.
Indi biziň basketbolçylarymyz şu ýylyň güýzünde Ýaponiýada geçiriljek dünýä çempionatyna düýpli taýýarlyk görýärler. Dünýä bäsleşigine gatnaşmak üçin Türkmenistanyň ýygyndy toparyna Aziýanyň saýlama ýaryşyna ýollanmany gazanmak zerur bolup durýar. Bu ýaryşlar şu ýylyň awgustynda Hytaýda geçiriler. Ýeri gelende aýtsak, biziň türgenlerimiz basketbolyň şu görnüşinde ýokary ussatlygyny ençeme gezek görkezdiler: 2012-nji ýylyň Aziýa oýunlarynda basketbolyň kenar görnüşinde türkmen ýygyndy topary wise-çempion, 2013-nji ýylyň birinji çempionatynda bolsa eýýäm Türkmenistandan bolan zenanlar topary bürünç medallary gazandylar.
Paýtagtymyzdaky suw sport toplumynda 19-njy aprelde uly sport baýramçylyk çäresi geçirildi, sportuň suwda oýnalýan görnüşleri bilen meşgullanýanlar oňa esasy gatnaşyjylar boldular. Ýüzüjiler, waterpolçylar, tramplinlerden bökýän türgenler we beýleki türgenler üçin sportuň suwda oýnalýan görnüşleri boýunça bäsleşikler guraldy.
Geçen dynç günleri Lebap welaýatynyň dolandyryş merkezinde sport gimnastikasy, baýdarkalarda we kanoede küreklemek hem-de erkin göreş boýunça ýurdumyzyň çempionatlary geçirildi.
Sport gimnastikasy boýunça ýaryşlar ýöriteleşdirilen 5-nji sport mekdebinde geçirildi we oňa türgenleriň 70-e golaý gatnaşdy. Erkekler sport gimnastikasynyň alty görnüşi boýunça güýç synanyşdylar. Zenanlar bolsa sport gimnastikasynyň dört görnüşi boýunça bäsleşdiler. Netijede erkekler toparynda Türkmenabat şäheriniň türgenleri birinji orny, zenanlaryň arasynda bolsa Aşgabat şäheriniň gimnastikaçylary öňdeligi eýelediler.
Küreklemek boýunça ýaryşlara ýurdumyzyň ähli welaýatlaryndan we Aşgabat şäherinden türgenler Türkmenabada ýygnandylar we olar 200 metrden 1000 metre çenli aralyklarda medallar ugrunda güýç synanyşdylar. Şunda lebaply kürekleýjiler ussatlyklaryny görkezip, toparlaýyn hasapda birinji orna eýe boldular. Mary welaýatynyň topary ikinji, Balkan welaýatynyň topary bolsa üçünji orna mynasyp boldular.
Lebap welaýatynyň Galkynyş etrabynda erkin göreş boýunça ýurdumyzyň birinjiligini almak ugrundaky ýaryşlara ähli welaýatlara we Aşgabat şäherine wekilçilik edýän türgenleriň 80-den gowragy gatnaşdy. Sportuň bu görnuşi boýunça hem ýer eýeleri öňdäki orunlary eýelediler. Ikinji we üçünji orunlara degişlilikde Aşgabat şäheriniň we Mary welaýatynyň türgenleri mynasyp boldular.
Ýurdumywzyň demirgazyk welaýatynyň merkezi hem köp sanly ýaryşlaryň geçirilýän merkezine öwrüldi. Olaryň arasynda 2000-nji ýylda doglan ýetginjekleriň arasynda futbol boýunça Türkmenistanyň çempionatyny we 14-15 ýaşly türgenleriň arasynda woleýbol boýunça ýurdumyzyň birinjiligi ugrundaky bäsleşikleri görkezmek bolar.
Ýetginjek futbolçylaryň arasyndaky ýaryşlar täze “Galkynyş” sport toplumynda geçirildi. Ýaryşlaryň iň soňky tapgyrynda ýer eýeleri we Aşgabat şäheriniň topary altyn medal ugrunda bäsleşdiler. Daşoguzly futbolçylaryň bir utugy köp bolandygy sebäpli olara deňme-deň oýnamak hem ýeterlikdi. Emma olar diňe goranmak bilen çäklenmän, hüjüm etdiler we netijede 2:0 hasabynda utdular.
Aşgabatlylaryň şowsuzlyga sezewar bolmagy olary dördünji ýere geçirdi: kümüş we bürünç medallary degişlilikde Mary we Balkan welýatlarynyň toparlary aldylar.
Ýetginjekleriň we gyzlaryň arasyndaky woleýbol boýunça Türkmenistanyň birinjiligi Daşogzuň 4-nji ýöriteleşdirilen sport mekdebinde geçirildi. Bu bäsleşiklerde hem birinji ýer ugrunda ýer eýeleri bilen paýtagtymyzyň woleýbolçylary duşuşdylar. Şunda Aşgabatly türgenler ýeňiş gazandylar, Daşoguzly woleýbolçylar bolsa bürünç medala eýe boldular. Ikinji orny Lebap welýatynyň türgenleri eýelediler.
Gyzlaryň arasynda ýaryşlarda Daşoguz welaýatynyň woleýbolçylary ähli duşuşyklarda 3:0 hasabynda ynamly ýeňiş gazanyp, birinjiligi eýelediler. Lebaply türgenler ikinji we Mary welaýatynyň woleýbolçy gyzlar üçünji orna mynasyp boldular.
Aprel aýynyň dowamynda türkmen türgenleri ýaryşlaryň ençemesine, şol sanda sportuň milli görnüşlerine gatnaşarlar. Şeýle hem olar öňümizdäki şenbe güni Türkmenistanyň milli sport we syýahatçylyk institutynda geçiriljek ylmy – amaly maslahata gatnaşarlar.
“Sagdynlyk we bagtyýarlyk” diýen şygar astynda geçirilýän umumymilli sport biraýlygy dowam edýär.
Karting boýunça ýaryşlar Türkmenistanyň Içeri işler ministrliginiň Sport awtoulaglar merkeziniň täze ýaryş ýodasynda geçdi. Ýeňijiler kartlaryň hereketlendirijileriniň göwrümini nazara almak bilen, 6 ugur boýunça kesgitlendi.
Ýaryşlara gatnaşan ýeke-täk zenan – 16 ýaşly aşgabatly türgen Dürnabat Garlyýewa öz bäsdeşleri bilen ýaryşyp, bäsleşikde oňat netijeleri görkezmegi başardy. Ol awtosport merkeziniň toparyna wekilçilik edip, hereketlendirijileriniň göwrümi 125 kub santimetr, mehaniki tizlik üýtgediji gutuly kartlarda geçirilen ýaryşlarda ikinji orny eýeledi. Bu toparda ýeňişi Türkmenistanyň Awtomobil ulaglary ministrliginiň toparyndan Ahmat Wartanow gazandy. Ol tizlik gutusy awtomatly hereketlendirijileriň şunuň ýaly göwrüme eýe bolan kartlarda geçirilen ýaryşlarda hormat münberiniň iň ýokary basgançagyna çykdy. Onuň inisi Amir Wartanow hem hereketlendirijileri 50 we 60 kub bolan kartlarda geçirilen ýaryşlarda ýeňiş gazanyp, altyn medallaryň ikisine eýe boldy.
Hereketlendirijisiniň göwrümi 125 kub bolan “Patriot” derejli kartlarda geçirilen ýaryşlarda Awtomobil ulaglary ministrliginiň toparyndan Ýuriý Žulin gowy tizlik görkezijilerini gazanmagy başardy. Iň kuwwatly ýaryş kartlarynda – “Halkara” derejeli 125 kubly kartlarda Sport awtoulaglary merkezinden Begenç Annaýew ýeňiş gazandy.
Ýaryşyň iň ýaş türgeni – Hazar şäheriniň (Balkan welaýaty) toparyndan 7 ýaşly Maksim Andreýewi hem agzaman geçip bolmaz, ol hereketlendirijisiniň göwrümi 50 küb bolan ýaryş ulaglarynda çykyş edip, kümüş medala eýe boldy.
Umumy toparlaýyn ýaryşda IIM-niň SAM-yndan Marks Orazmämmedowyň okuwçylary 95 utuk toplap, ynamly ýeňiş gazandylar. Awtomobil ulaglary ministrliginiň topary ikinji orny eýeledi. Üçünji orna deňizýaka sebitiniň türgenleri mynasyp boldular.
27-nji aprelde Sport awtoulaglary merkeziniň şol ýaryş ýodasynda bedenterbiýe - sport we medeni-sagaldyş çäreleriniň biraýlygynyň çäklerinde milli ýaryşlaryň ýene-de biri geçiriler. Bu ýerde “Volkicar” ýaryş ulaglarynda awtosport boýunça Türkmenistanyň çempionaty geçiriler. Bu ýaryşlar has uly synaglara taýýarlyk tapgyrlarynyň biri bolar: şu ýylyň güýzünde biziň ýurdumyzda awtomobil ýaryşlarynyň halkara bäsleşigi geçirilip, oňa dünýäniň köp ýurtlaryndan ussat sürüjiler çagyrylar.
Paýtagtymyzyň “Galkynyş” sport toplumynda dört günüň dowamynda geçirilen ýetginjekleriň we uly ýaşly adamlaryň arasynda uşu boýunça Türkmenistanyň çempionatyna ýurdumyzyň ähli welaýatlaryndan türgenleriň 200-den gowragy gatnaşdylar. Şonda medallar ugrunda diňe hytaý tutluşygynyň eýerijileri däl-de, eýsem, taý boksy, hanmudo we söweş sambosy ýaly görnüşleriň wekilleri hem bäsleşdiler. Bu çempionat şu ýylyň esasy sport ýaryşlaryna –ýetginjekleriň Bütindünýä Olimpiýa oýunlaryna, şeýle hem Aziýa oýunlaryna taýýarlygyň möhüm tapgyryna öwrüldi.
Ýeri gelende aýtsak, awgust aýynda Hytaýda geçiriljek Bütindünýä Olimpiadasynda türkmen türgenleri uşu boýunça bäsleşiklerde agram derejeleriniň üçüsinde – ýetginjekler toparynda 60-dan 70 kilograma çenli we gyzlaryň toparynda 52 kilograma çenli agram derejelerinde çykyş ederler. Biziň ýaş ussatlarymyz – gadymy söweş sungatynyň ussat türgenleri bu hukuga ýakynda Türkiýe Respublikasynda geçirilen dünýä çempionatynda dünýäniň güýçli türgenleriniň sekizliginiň hataryna girmek bilen eýe boldular. Sentýabr aýynda Koreýa Respublikasynda geçiriljek Aziýa oýunlarynda türkmen ýygyndy topary agram derejeleriniň altysynda – erkekleriň 4 we zenanlaryň 2 agram derejelerinde çykyş ederler.
Türkmenistanyň çempionaty barada aýdylanda bolsa, şunda iň gowy sport taýýarlygyny aşgabatly türgenler görkezip, olar umumy toparlaýyn ýaryşda hem-de ýetginjekleriň we uly ýaşly türgenleriň toparlarynda birinji orunlary eýelediler.
Ak mermerli paýtagtymyz Aşgabat şäheri geçen dynç günleri basketbol boýunça Türkmenistanyň çempionatyny hem kabul etdi. Ýaryşlar türgenleriň üçüsinden ybarat bolan toparlaryň arasynda geçirilip, oýnuň özi basketbol meýdançasynyň bir böleginde oýnalýar. Çempionlyk derejesi ugrunda toparlaryň 16-sy—her welaýatdan sport toparlarynyň 2-si we Aşgabatdan 6-sy bäsleşdiler. Finalda paýtagtymyzyň toparlarynyň 2-si – “Belent” we Türkmenistanyň Goranmak ministrliginiň harby institutynyň toparlary duşuşdylar. Gyzykly geçen bäsleşigiň barşynda Watanymyzyň geljekki goragçylary 15:11 hasap bilen ynamly ýeňiş gazandylar.
Çekeleşikli bäsleşik üçünji orun ugrundaky oýunda “Lebap-1” topary bilen Goranmak ministrliginiň institutynyň ikinji toparynyň arasynda ýaýbaňlandy. Oýnuň esasy wagty ýeňijini kesgitläp bilmän, ýaryş tablosynda deňme-deň hasaby – 17:17 belgileri görkezdi. Oýnuň düzgünine görä, goşmaça raund toparlarynyň haýsy-da bolsa biri bäsdeşinden iki utuk köp toplaýança dowam edýär. Netijede lebaply basketbolçylar 19:18 hasaby bilen ýeňiş gazandylar.
Indi biziň basketbolçylarymyz şu ýylyň güýzünde Ýaponiýada geçiriljek dünýä çempionatyna düýpli taýýarlyk görýärler. Dünýä bäsleşigine gatnaşmak üçin Türkmenistanyň ýygyndy toparyna Aziýanyň saýlama ýaryşyna ýollanmany gazanmak zerur bolup durýar. Bu ýaryşlar şu ýylyň awgustynda Hytaýda geçiriler. Ýeri gelende aýtsak, biziň türgenlerimiz basketbolyň şu görnüşinde ýokary ussatlygyny ençeme gezek görkezdiler: 2012-nji ýylyň Aziýa oýunlarynda basketbolyň kenar görnüşinde türkmen ýygyndy topary wise-çempion, 2013-nji ýylyň birinji çempionatynda bolsa eýýäm Türkmenistandan bolan zenanlar topary bürünç medallary gazandylar.
Paýtagtymyzdaky suw sport toplumynda 19-njy aprelde uly sport baýramçylyk çäresi geçirildi, sportuň suwda oýnalýan görnüşleri bilen meşgullanýanlar oňa esasy gatnaşyjylar boldular. Ýüzüjiler, waterpolçylar, tramplinlerden bökýän türgenler we beýleki türgenler üçin sportuň suwda oýnalýan görnüşleri boýunça bäsleşikler guraldy.
Geçen dynç günleri Lebap welaýatynyň dolandyryş merkezinde sport gimnastikasy, baýdarkalarda we kanoede küreklemek hem-de erkin göreş boýunça ýurdumyzyň çempionatlary geçirildi.
Sport gimnastikasy boýunça ýaryşlar ýöriteleşdirilen 5-nji sport mekdebinde geçirildi we oňa türgenleriň 70-e golaý gatnaşdy. Erkekler sport gimnastikasynyň alty görnüşi boýunça güýç synanyşdylar. Zenanlar bolsa sport gimnastikasynyň dört görnüşi boýunça bäsleşdiler. Netijede erkekler toparynda Türkmenabat şäheriniň türgenleri birinji orny, zenanlaryň arasynda bolsa Aşgabat şäheriniň gimnastikaçylary öňdeligi eýelediler.
Küreklemek boýunça ýaryşlara ýurdumyzyň ähli welaýatlaryndan we Aşgabat şäherinden türgenler Türkmenabada ýygnandylar we olar 200 metrden 1000 metre çenli aralyklarda medallar ugrunda güýç synanyşdylar. Şunda lebaply kürekleýjiler ussatlyklaryny görkezip, toparlaýyn hasapda birinji orna eýe boldular. Mary welaýatynyň topary ikinji, Balkan welaýatynyň topary bolsa üçünji orna mynasyp boldular.
Lebap welaýatynyň Galkynyş etrabynda erkin göreş boýunça ýurdumyzyň birinjiligini almak ugrundaky ýaryşlara ähli welaýatlara we Aşgabat şäherine wekilçilik edýän türgenleriň 80-den gowragy gatnaşdy. Sportuň bu görnuşi boýunça hem ýer eýeleri öňdäki orunlary eýelediler. Ikinji we üçünji orunlara degişlilikde Aşgabat şäheriniň we Mary welaýatynyň türgenleri mynasyp boldular.
Ýurdumywzyň demirgazyk welaýatynyň merkezi hem köp sanly ýaryşlaryň geçirilýän merkezine öwrüldi. Olaryň arasynda 2000-nji ýylda doglan ýetginjekleriň arasynda futbol boýunça Türkmenistanyň çempionatyny we 14-15 ýaşly türgenleriň arasynda woleýbol boýunça ýurdumyzyň birinjiligi ugrundaky bäsleşikleri görkezmek bolar.
Ýetginjek futbolçylaryň arasyndaky ýaryşlar täze “Galkynyş” sport toplumynda geçirildi. Ýaryşlaryň iň soňky tapgyrynda ýer eýeleri we Aşgabat şäheriniň topary altyn medal ugrunda bäsleşdiler. Daşoguzly futbolçylaryň bir utugy köp bolandygy sebäpli olara deňme-deň oýnamak hem ýeterlikdi. Emma olar diňe goranmak bilen çäklenmän, hüjüm etdiler we netijede 2:0 hasabynda utdular.
Aşgabatlylaryň şowsuzlyga sezewar bolmagy olary dördünji ýere geçirdi: kümüş we bürünç medallary degişlilikde Mary we Balkan welýatlarynyň toparlary aldylar.
Ýetginjekleriň we gyzlaryň arasyndaky woleýbol boýunça Türkmenistanyň birinjiligi Daşogzuň 4-nji ýöriteleşdirilen sport mekdebinde geçirildi. Bu bäsleşiklerde hem birinji ýer ugrunda ýer eýeleri bilen paýtagtymyzyň woleýbolçylary duşuşdylar. Şunda Aşgabatly türgenler ýeňiş gazandylar, Daşoguzly woleýbolçylar bolsa bürünç medala eýe boldular. Ikinji orny Lebap welýatynyň türgenleri eýelediler.
Gyzlaryň arasynda ýaryşlarda Daşoguz welaýatynyň woleýbolçylary ähli duşuşyklarda 3:0 hasabynda ynamly ýeňiş gazanyp, birinjiligi eýelediler. Lebaply türgenler ikinji we Mary welaýatynyň woleýbolçy gyzlar üçünji orna mynasyp boldular.
Aprel aýynyň dowamynda türkmen türgenleri ýaryşlaryň ençemesine, şol sanda sportuň milli görnüşlerine gatnaşarlar. Şeýle hem olar öňümizdäki şenbe güni Türkmenistanyň milli sport we syýahatçylyk institutynda geçiriljek ylmy – amaly maslahata gatnaşarlar.
“Sagdynlyk we bagtyýarlyk” diýen şygar astynda geçirilýän umumymilli sport biraýlygy dowam edýär.
