Ýokary ligadaky toparlaryň arasynda ýurdumyzyň şäherleriniň bäşisinde futbol boýunça Türkmenistanyň çempionatynyň nobatdaky 17-nji tapgyrynyň oýunlary geçirildi.
Paýtagtymyzyň “Aşgabat” köpugurly stadionynda çempionlyk ugrunda göreş alyp barýan toparlaryň arasynda--Türkmenistanyň Kubogynyň we Naýbaşy Kubogynyň eýesi “Ahal” bilen milli ýaryşda öňdeligi eýeleýän “Altyn asyr” komandalarynyň arasyndaky duşuşyk aýratyn gyzyklanma döretdi. Bularyň ilkinji aýlawdaky oýny 3:0 hasabynda “Altyn asyryň” ynamly ýeňşi bilen tamamlanypdy. Jogap duşuşygynda ahallylar öňdebaryja hakyky garşydaşlyk görkezdiler.
Duşuşygyň ilkinji ýarymy toparlaryň hiç birine üstünlik getirmedi—0:0. Ikinji ýarymyň ortalarynda eýýäm “Ahal” 2:0 hasabynda ýeňip barýardy. Duşuşygyň tamamlanmagyna 9 minut galanda Türkmenistanyň at gazanan tälimçisi Ý.Hojageldiýewiň türgenleri bir jogap pökgüni geçirmegi başardylar, şondan başga olar hiç hili netije görkezip bilmediler. Netijede, “Ahal” “Altyn asyryň” 13 sany ýeňlişsiz gelýän oýunlarynyň arasyny üzdi. Şu ýeňşinden soň “Ahal” topary 33 utuk toplap, ýaryşyň sanawynyň başyny çekip gelýän Türkmenistanyň Prezidentiniň Kubogynyň iki gezek eýesi “Altyn asyr” toparyndan yza galmagynyň arasyny 4 utuga çenli azaltdy.
Aziýa futbol konfederasiýasynyň prezidentiniň Kubogynyň eýesi “Balkan” topary bilen öz meýdançasynda deňme-deň --1:1 hasabynda oýnan Türkmenbaşy şäheriniň “Şagadam” topary hem şu tapgyrdan soň 33 utuk toplady. Bu duşuşykda myhmanlary utulmakdan esasy wagta goşmaça berlen wagtyň ikinji minudynda gazanylan netijäniň halas edendigini bellemek ýerliklidir.
“Merw” topary üçin hem 92-nji minut üstünlik getirdi. Ol Baýramaly etrabynda “Aşgabat” topary bilen duşuşdy. Duşuşygyň ikinji ýarymynyň başynda garşydaşlar bir-biregiň derwezesine bir pöküden geçirdiler—1:1. Gomaça berlen wagtda bolsa marylylara A.Ýusubowyň dürs urgusy ýeňiş getirdi—2:1. Indi “Merwiň” 27 utugy bar we ol henizem ýaryşyň sanawynyň 4-nji ornunda barýar.
17-nji tapgyryň duşuşyklarynyň galan iki oýunlarynda myhmanlar üstünlik gazandylar. Ýurdumyzyň demirgazyk sebitiniň dolandyryş merkezinde “Talyp sporty” topary duşuşygyň birinji ýarymyna goşulan wagtda derwezä geçirilen pökginiň netijesinde “Daşoguz” toparyndan 1:0 hasabynda üstün çykdy. Türkmenabat şäherinde bolsa häzirki çempionlar bolan Halkara türkmen-türk uniwersitetiniň futbolçylary “Bagtyýarlyk-Lebap” toparynyň derwezesine jogapsyz on bir pökgi geçirip, uly ýeňiş gazandylar. Şol pökgüleriň altysyny P.Sultanow geçirdi (bu hem häzirki milli ýaryşyň rekordydyr).
Şu tapgyrdan soň derwezä köp pökgi geçirmek boýunça hüjümçileriň bäsleşiginde öz öňdeligini “Şagadamyň” hüjümçisi A.Boliýan berkitdi. Onuň hasabynda 18 pökgi bar.
Ýokary ligadaky toparlaryň arasynda futbol boýunça Türkmenistanyň çemponatynyň nobatdaky on sekizinji tapgyry “Talyp sporty”--“Merw” we “Aşgabat”--“Ahal” toparlarynyň duşuşyklary arkaly 6-njy iýunda badalga alar.
Paýtagtymyzyň “Aşgabat” köpugurly stadionynda çempionlyk ugrunda göreş alyp barýan toparlaryň arasynda--Türkmenistanyň Kubogynyň we Naýbaşy Kubogynyň eýesi “Ahal” bilen milli ýaryşda öňdeligi eýeleýän “Altyn asyr” komandalarynyň arasyndaky duşuşyk aýratyn gyzyklanma döretdi. Bularyň ilkinji aýlawdaky oýny 3:0 hasabynda “Altyn asyryň” ynamly ýeňşi bilen tamamlanypdy. Jogap duşuşygynda ahallylar öňdebaryja hakyky garşydaşlyk görkezdiler.
Duşuşygyň ilkinji ýarymy toparlaryň hiç birine üstünlik getirmedi—0:0. Ikinji ýarymyň ortalarynda eýýäm “Ahal” 2:0 hasabynda ýeňip barýardy. Duşuşygyň tamamlanmagyna 9 minut galanda Türkmenistanyň at gazanan tälimçisi Ý.Hojageldiýewiň türgenleri bir jogap pökgüni geçirmegi başardylar, şondan başga olar hiç hili netije görkezip bilmediler. Netijede, “Ahal” “Altyn asyryň” 13 sany ýeňlişsiz gelýän oýunlarynyň arasyny üzdi. Şu ýeňşinden soň “Ahal” topary 33 utuk toplap, ýaryşyň sanawynyň başyny çekip gelýän Türkmenistanyň Prezidentiniň Kubogynyň iki gezek eýesi “Altyn asyr” toparyndan yza galmagynyň arasyny 4 utuga çenli azaltdy.
Aziýa futbol konfederasiýasynyň prezidentiniň Kubogynyň eýesi “Balkan” topary bilen öz meýdançasynda deňme-deň --1:1 hasabynda oýnan Türkmenbaşy şäheriniň “Şagadam” topary hem şu tapgyrdan soň 33 utuk toplady. Bu duşuşykda myhmanlary utulmakdan esasy wagta goşmaça berlen wagtyň ikinji minudynda gazanylan netijäniň halas edendigini bellemek ýerliklidir.
“Merw” topary üçin hem 92-nji minut üstünlik getirdi. Ol Baýramaly etrabynda “Aşgabat” topary bilen duşuşdy. Duşuşygyň ikinji ýarymynyň başynda garşydaşlar bir-biregiň derwezesine bir pöküden geçirdiler—1:1. Gomaça berlen wagtda bolsa marylylara A.Ýusubowyň dürs urgusy ýeňiş getirdi—2:1. Indi “Merwiň” 27 utugy bar we ol henizem ýaryşyň sanawynyň 4-nji ornunda barýar.
17-nji tapgyryň duşuşyklarynyň galan iki oýunlarynda myhmanlar üstünlik gazandylar. Ýurdumyzyň demirgazyk sebitiniň dolandyryş merkezinde “Talyp sporty” topary duşuşygyň birinji ýarymyna goşulan wagtda derwezä geçirilen pökginiň netijesinde “Daşoguz” toparyndan 1:0 hasabynda üstün çykdy. Türkmenabat şäherinde bolsa häzirki çempionlar bolan Halkara türkmen-türk uniwersitetiniň futbolçylary “Bagtyýarlyk-Lebap” toparynyň derwezesine jogapsyz on bir pökgi geçirip, uly ýeňiş gazandylar. Şol pökgüleriň altysyny P.Sultanow geçirdi (bu hem häzirki milli ýaryşyň rekordydyr).
Şu tapgyrdan soň derwezä köp pökgi geçirmek boýunça hüjümçileriň bäsleşiginde öz öňdeligini “Şagadamyň” hüjümçisi A.Boliýan berkitdi. Onuň hasabynda 18 pökgi bar.
Ýokary ligadaky toparlaryň arasynda futbol boýunça Türkmenistanyň çemponatynyň nobatdaky on sekizinji tapgyry “Talyp sporty”--“Merw” we “Aşgabat”--“Ahal” toparlarynyň duşuşyklary arkaly 6-njy iýunda badalga alar.
