Türkmen türgeni Bägül Ezizowa Türkiýe Respublikasynyň Salihli şäherinde geçirilen küşt boýunça açyk halkara ýaryşynda iki gezek ýeňiji boldy. Ol nusgawy ýaryşlarda we 9 ýaşa çenli toparda iň oňat küştçi boldy.
Şu ýaş toparynda dürli ýurtlardan ýaş küştçüleriň 70-e golaýy bäsleşdi. Ýaryş Şweýsar ulgamynda alty tapgyrda geçirildi, şolarda iň oňat netijäni, ýagny bäş utugy türkmen türgeni gazandy. Oňa medaldan başga hem ýörite kubok gowşuryldy.
Munuň Türkmenistanyň at gazanan tälimçisi Serdar Annaberdiýewiň şägirdiniň halkara sport ýaryşynda ilkinji ýeňşi däldigini belläp geçmeli. Geçen ýyl B.Ezizowa 7 ýaşa çenli ýaş toparynda mekdep okuwçylarynyň arasynda dünýä çempionatynda altyn medala mynasyp boldy. Şonda alty oýunda alty ýeňşi gazandy.
Ine, ýene-de diňe bir ýurdumyzyň sport söýüjileri üçin däl, eýsem, öz maşgalasy üçin ajaýyp sowgat bolan iki ýeňşi gazandy, ol ýakynda sekiz ýaşyny doldurdy.
Küşt boýunça halkara ýaryşa Bägüliň dogany 11 ýaşly Muhammet Ezizow hem gatnaşdy. Ol 16 ýaşa çenli ýaş toparynda çykyş eden iň ýaş türgenleriň biri boldy we ýaryşyň iň oňat küştçüleriniň altylygyna girip, oňat oýun görkezdi.
Häzirki wagtda milli ýygyndy toparymyzyň ýaş küştçüleri 8 ýaşdan 18 ýaşa çenli ýaşlaryň arasynda sentýabr aýynda Günorta Afrika Respublikasynyň Durban şäherinde geçiriljek dünýä çempionatyna taýýarlyk görýärler.
Şu ýylyň esasy küşt wakasy bolsa awgust aýynda bolar. Norwegiýanyň Tromso şäherinde nobatdaky Bütindünýä küşt olimpiadasy geçiriler, şonda çykyş etmäge Türkmenistanyň ýygyndy topary hem taýýarlyk görýär.
Biziň ýygyndy toparymyzyň wekilleriniň biri halkara ussady Meýlis Annaberdiýew ýakynda iri halkara ýaryşynda altyn medala mynasyp boldy, şol ýaryş hem Türkiýäniň Adana şäherinde geçirildi.
Şu ýaş toparynda dürli ýurtlardan ýaş küştçüleriň 70-e golaýy bäsleşdi. Ýaryş Şweýsar ulgamynda alty tapgyrda geçirildi, şolarda iň oňat netijäni, ýagny bäş utugy türkmen türgeni gazandy. Oňa medaldan başga hem ýörite kubok gowşuryldy.
Munuň Türkmenistanyň at gazanan tälimçisi Serdar Annaberdiýewiň şägirdiniň halkara sport ýaryşynda ilkinji ýeňşi däldigini belläp geçmeli. Geçen ýyl B.Ezizowa 7 ýaşa çenli ýaş toparynda mekdep okuwçylarynyň arasynda dünýä çempionatynda altyn medala mynasyp boldy. Şonda alty oýunda alty ýeňşi gazandy.
Ine, ýene-de diňe bir ýurdumyzyň sport söýüjileri üçin däl, eýsem, öz maşgalasy üçin ajaýyp sowgat bolan iki ýeňşi gazandy, ol ýakynda sekiz ýaşyny doldurdy.
Küşt boýunça halkara ýaryşa Bägüliň dogany 11 ýaşly Muhammet Ezizow hem gatnaşdy. Ol 16 ýaşa çenli ýaş toparynda çykyş eden iň ýaş türgenleriň biri boldy we ýaryşyň iň oňat küştçüleriniň altylygyna girip, oňat oýun görkezdi.
Häzirki wagtda milli ýygyndy toparymyzyň ýaş küştçüleri 8 ýaşdan 18 ýaşa çenli ýaşlaryň arasynda sentýabr aýynda Günorta Afrika Respublikasynyň Durban şäherinde geçiriljek dünýä çempionatyna taýýarlyk görýärler.
Şu ýylyň esasy küşt wakasy bolsa awgust aýynda bolar. Norwegiýanyň Tromso şäherinde nobatdaky Bütindünýä küşt olimpiadasy geçiriler, şonda çykyş etmäge Türkmenistanyň ýygyndy topary hem taýýarlyk görýär.
Biziň ýygyndy toparymyzyň wekilleriniň biri halkara ussady Meýlis Annaberdiýew ýakynda iri halkara ýaryşynda altyn medala mynasyp boldy, şol ýaryş hem Türkiýäniň Adana şäherinde geçirildi.
