Serhetçileriň gününiň öňisyrasynda Türkmenistanyň paýtagtynda “Ak şaherim - Aşgabat” binasynda watançylyk aýdymlarynyň baýramçylygyna öwrülen “Parahatçylyk hakynda aýdym” bäsleşiginiň jemleýji tapgyry geçirildi.

Ýurduň serhet goşunlarynyň döredilmeginiň 22 ýyllygyna bagyşlanyp geçirilen bäsleşik Döwlet serhet gullugynyň, Aşagabat şäher häkimliginiň goldamaklarynda Türkmenistanyň Demokratik partiýasynyň, we Türkmenistanyň Parahatçylyk gaznasynyň başlangyçlary boýunça ilkinji sapar geçirildi.

Jemleýji tapgyra ýerine ýetirijeliň 22-si çykdy. Bäsleşigiň jemleri boýunça emin agzalary Baş-baýragy we baýrakly orynlary kesgitledi. Baş baýragy esger Parahat Myradow, birinji orna uly seržant Mekan Toýlyýew, ikinji orna seržant Serdar Berdiýew eýelemegy başardylar, üçünji orny esgerler Kerwen Çaryýew we Italmaz Serdarow özara paýlaşdylar. Guramaçylaryň adyndan Hormat hatlary we gymmat bahaly sowgatlar gowşuryldy.

Watançylyk aýdymlarynyň konsertine serhet goşunlarynyň weteranlarynyň, uruş we zähmet weteranlarynyň, halkyň hormatly ýaşulylarynyň, harby gullukçylarynyň ene-atalarynyň hem-de hossarlarynyň gatnaşmaklary aýratyn öwüşgin çaýdy.

Konsert şu ýylyň iýul aýynyň başynda badalga aldy we serhet goşunlarynyň bölümlerinde birnäçe tapgyrlarda geçirildi. Watançylyk temasynyň wokal eserlerini ýerine ýetirmek oňa gatnaşyjylaryň ähliai üçin umumy şert boldy. Biziň maksadymyz Türkmenistanyň serhet çäklerinde durýan, Watan goraçylary bolan ýaş nesli sungat arkaly watanysöýjüligiň belent duýgylaryny, halkyň däp-dessuryna, edermenligiň nusgasyndan doly bolan onuň şöhratly taryhyna, edermenligine we harby hormata hormat goýmagy terbiýelemekden ybaratdyr.