Türkmenbaşy şäherinde deňziň ajaýyp kenarynda ýaş ýerine ýetirijileriň «Ýaňlan, Diýarym!» bäsleşiginiň welaýat saýlama tapgyry geçirildi. Oňa Balkan welaýatynyň etrapdyr şäherlerinden bäsdeşleriň onusy gatnaşdy.

“Ýaňlan, Diýarym!” ýaşlar bäsleşigi Türkmenistanyň Prezidentiniň yglan eden “Türkmeniň Altyn asyry” bäsleşiginiň çäklerinde baş milli baýramymyz bolan Türkmenistanyň Garaşsyzlyk gününe bagyşlanyp her ýyl geçirilýär.


“Ýaňlan, Diýarym!” bäsleşigine giň demokratik esaslarda çeper höwesjeň we wokaly öwrenýän gyzlaryň we oglanlaryň müňlerçesi gatnaşýar. Sahnada çykyş edenler özleriniň meşhurlyk gazanmaga bolan mümkinçiliklerini elden beresleri gelmedi. Ýaş zehinleriň ýerine ýetiren estrada we halk aýdymlary sungaty söýýänleriň ýüreklerinde uly seslenme döretdi.

Düzüminde ýurduň belli sungat işgärleri, meşhur sazandalarydyr aýdymçylary, kompozitorlary, Türkmenistanyň köpçülikleýin habar beriş serişdeleriniň ýolbaşçylary bolan emin agzalarynyň gelen netijeleri boýunça Garaşsyzlyk baýaramçylygynyň öňisyrasynda geçiriljek “Ýaňlan, Diýarym!” bäsleşiginiň jemleýji tapgyryna gatnaşmaga ýollanma aldylar. Olar aýdymçylar Serdar etrabyndan Hemra Nuryýew, Türkmenbaşy şäherinden Baýramgeldi Dawudow we Balkanabat şäherinden Sonagül Şamyýewa dagylardyr.