Türkmenistanyň agyr atletika boýunça milli ýygyndysy Antaliýada (Türkiýe) okuw-türgenleşiklerini üstünlikli tamamladylar. Biziň ýurdumyzyň iň güýçli ştangaçylary Koreýada şu ýylyň 19-njy sentýabryndan 4-nji oktýabry aralygynda geçiriljek öňde duran Aziýa oýunlaryna taýýarlyk görmegiň esasy tapgyrlarynyň birini geçdiler.
Antaliýada geçirilen türgenleşikler tejribeli tälimçileriň ýolbaşçylygynda geçirildi. Agyr atletikaçylaryň sport ussatlygyny artdyrmaga, güýç toplamagyna, fiziki we psihologiki taýýarlygyna, esasy ýaryş maşyklarynyň ýerine ýetirilmeginiň usullarynyň kämilleşdirilmegine – ştangany birden we itekläp götermäge, türgenleriň güýç we utgaşdyryjy ukyplaryny ösdürmäge aýratyn üns berildi.
Bu iri halkara bäsleşiklerinde biziň ýurdumyzyň adyndan çykyş etjek türkmen agyr atletikaçylarynyň düzümine Türkmenistanyň milli sport we syýahatçylyk institutynyň uçurymy, Daşoguz welaýatynyň Gurbansoltan eje adyndaky etrapda ýaşaýan, 22 ýaşly sport ussady – ştangaçylaryň maşgala dinastiýasynyň wekilleriniň biri Rejepbaý Rejepow bar. Onuň sport durumuşynda – iri ýaryşlaryň birnäçe ýeňşi bar. Şu ýyl agyr atletika boýunça geçirilen Türkmenistanyň çempionatynda R.Rejepow 85 kg agramda çykyş edip, iki görnüşli ýaryşda (birden götermekde – 161 kg we itekläp göttermekde – 190 kg) ýokary netijeleri görkezdi – 351 kg hem-de altyn medala mynasyp boldy. Şeýle hem Rejepbaý Aziýanyň Kubogynyň ýaryşynyň ýeňijisi bolup durýar (Özbegistan, 2011), Eýlatada (Israil-2013) talyplaryň arasynda geçirilen dünýä çempionatyna, Kazanda (Russiýa Federasiýasy) geçirilen Unwersiada gatnaşyjydyr.
Rejepbaýyň ildeşleriniň ýene-de ikisi – 2004-nji ýylda talyplaryň arasynda geçirilen ýaryşda dünýä çempiony bolan, Sidenýde, Afinada, Pekinde geçirilen olimpiada gatnaşyjy Umurbek Bazarbaýew (62kg) we 2008-nji ýylda Pekinde geçirilen Olimpiada gatnaşyjy Tolkunbek Hudaýbergenow agyr atletika boýunça Gurbansoltan eje adyndaky etrabyň adyndan çykyş ederler. Şeýle hem Meretguly Sähetmyradow (69 kg aramda), Aman Meredow (77kg), Omarguly Handurdyýew (62 kg) we beýleki ştangaçylar ýygyndyň düzümine girýärler.
Türkmenistanyň at gazanan türgenleşdirijisi Mömin Rejepowyň aýdyşy ýaly, biziň türgenlerimiz häzirki wagtda Özbegistan Respublikasynyň Çyrçyk şäherinde okuw-türgenleşiklerde bolýarlar. Agyr atletika boýunça Türkmenistanyň ýygyndy toparynyň okuw-türgenleşikleriniň jemleýji tapgyry Aşgabatda geçiriler.
Antaliýada geçirilen türgenleşikler tejribeli tälimçileriň ýolbaşçylygynda geçirildi. Agyr atletikaçylaryň sport ussatlygyny artdyrmaga, güýç toplamagyna, fiziki we psihologiki taýýarlygyna, esasy ýaryş maşyklarynyň ýerine ýetirilmeginiň usullarynyň kämilleşdirilmegine – ştangany birden we itekläp götermäge, türgenleriň güýç we utgaşdyryjy ukyplaryny ösdürmäge aýratyn üns berildi.
Bu iri halkara bäsleşiklerinde biziň ýurdumyzyň adyndan çykyş etjek türkmen agyr atletikaçylarynyň düzümine Türkmenistanyň milli sport we syýahatçylyk institutynyň uçurymy, Daşoguz welaýatynyň Gurbansoltan eje adyndaky etrapda ýaşaýan, 22 ýaşly sport ussady – ştangaçylaryň maşgala dinastiýasynyň wekilleriniň biri Rejepbaý Rejepow bar. Onuň sport durumuşynda – iri ýaryşlaryň birnäçe ýeňşi bar. Şu ýyl agyr atletika boýunça geçirilen Türkmenistanyň çempionatynda R.Rejepow 85 kg agramda çykyş edip, iki görnüşli ýaryşda (birden götermekde – 161 kg we itekläp göttermekde – 190 kg) ýokary netijeleri görkezdi – 351 kg hem-de altyn medala mynasyp boldy. Şeýle hem Rejepbaý Aziýanyň Kubogynyň ýaryşynyň ýeňijisi bolup durýar (Özbegistan, 2011), Eýlatada (Israil-2013) talyplaryň arasynda geçirilen dünýä çempionatyna, Kazanda (Russiýa Federasiýasy) geçirilen Unwersiada gatnaşyjydyr.
Rejepbaýyň ildeşleriniň ýene-de ikisi – 2004-nji ýylda talyplaryň arasynda geçirilen ýaryşda dünýä çempiony bolan, Sidenýde, Afinada, Pekinde geçirilen olimpiada gatnaşyjy Umurbek Bazarbaýew (62kg) we 2008-nji ýylda Pekinde geçirilen Olimpiada gatnaşyjy Tolkunbek Hudaýbergenow agyr atletika boýunça Gurbansoltan eje adyndaky etrabyň adyndan çykyş ederler. Şeýle hem Meretguly Sähetmyradow (69 kg aramda), Aman Meredow (77kg), Omarguly Handurdyýew (62 kg) we beýleki ştangaçylar ýygyndyň düzümine girýärler.
Türkmenistanyň at gazanan türgenleşdirijisi Mömin Rejepowyň aýdyşy ýaly, biziň türgenlerimiz häzirki wagtda Özbegistan Respublikasynyň Çyrçyk şäherinde okuw-türgenleşiklerde bolýarlar. Agyr atletika boýunça Türkmenistanyň ýygyndy toparynyň okuw-türgenleşikleriniň jemleýji tapgyry Aşgabatda geçiriler.
