Maryda her ýylda geçirilýän “Ýaňlan, Diýarym” bäsleşiginiň welaýat tapgyry geçirildi. Agşamara welaýat kitaphanasynyň öňündäki giň meýdançada bu döredijilik bäsleşiginiň saýlama tapgyrlaryndan geçen aýdymçylaryň 10-sy çykyş etdi.


Tomaşaçylar sahna çykýan her bir aýdymçyny dowamly el çarpyşmalar bilen garşylady. Murgap sebitiniň ýaş artistleriniň çykyşlary emin agzalarynyň we tomaşaçylaryň göwnünden turdy. Sahnada halk we estrada aýdymlary belentden ýaňlandy.

Emin agzalary döredijilik bäsleşiginiň welaýat tapgyrynyň ýeňijileriniň atlaryny beýan etdiler. Wekilbazar etrabyndan Çary Berdiýew we Marynyň Ýo.Hummaew adyndaky ýöriteleşdirilen sazçylyk mekdebiniň talyby Kakageldi Gylyjow ýeňiji diýlip yglan edildi. Olar Aşgabat şäherinde döwlet derejesinde geçiriljek “Ýaňlan, Diýarym” bäsleşiginde Mary welaýatyna uly hormat bilen wekilçilik ederler.