Türkmen türgeni Gülbadam Babamyratowa 1-nji oktýabrda Özbegistanyň paýtagtynda başlanan dzýudo boýunça Gran-pri görnüşindäki halkara ýaryşynda altyn medaly eýeledi. Ol Halkara dzýudo federasiýasynyň ýaryşynyň senenamasyna girýän abraýly sport bäsleşikleriniň biridir.
Daşkentde geçirilen Gran-pri ýaryşlarynda 2016-njy ýylda Rio-de –Žaneýro (Braziliýa) şäherinde geçiriljek XXXI tomusky Olimpiýa oýunlaryna ýollanmany üpjün edýän baýrakly orunlar we ýokary utuklar ugrunda dünýäniň 52 ýurdundan güýçli türgenleriň 355-si gatnaşdy. Olar 200 erkek türgenleriň, 155 bolsa zenan türgenleriň arasynda geçirilen bäsleşiklerdir. Zenanlaryň arasynda geçirilen ýaryşlarda 52 kilograma çenli agram bäsleşikde çykyş edýän gyrgyzystanly Kseniýa Beldýagina we Türkmenistandan Gülbadam Babamyratowa ýarym finalda duşuşdylar. Türkmen türgeni bu bäsleşikde ýeňiş gazandy.
Lebaply 24 ýaşly halkara derejeli sport ussady final oýunlarynda germaniýaly Mariýa Ertlden “ippon” bahaly (ýapon söweş sungaty görnüşlerinde türgeniň gazanýan iň ýokary bahasy) arassa we netijeli ýeňşi gazanyp, altyn medala mynasyp boldy. Hünärmenler G.Babamyratowanyň ýeňişli hereketine haýran galandyklaryny bellediler. Türkmen türgeniniň bu emeline teleýaýlymlar arkaly birnäçe gezek tomaşa edildi.
Munuň özi Türkmenistanyň at gazanan tälimçileri Dörtguly Tejenowyň we Çemengul Geldibaýewanyň tälim beren türgeniniň dünýä sport giňişlindäki ilkinji ýeňşi däldir. Geçen ýylda Tailandda geçirilen Aziýa oýunlarynda sambonyň plýaž görnüşinde ol iň ökde türgen hökmünde ykrar edildi. Şeýle hem 2014-nji ýylda türkmen türgeni göreşiň beýleki görnüşleri boýunça geçirilen halkara bäsleşiginde has-da tapawutlandy. Ol geçen ýylyň noýabrynda Aşgabatda geçirilen guşakly göreş boýunça dünýä çempionatynda altyn medal, Koreýa Respublikasynda bolan Aziýa oýunlarynyň dzýudo boýunça geçirilen turnirinde kümüş baýraga mynasyp boldy. Hut şu ýeňişler Türkmenistanyň türgenini 2014-nji ýylyň tapawutlanan türgenleriň derejesinde birinji orna düşmegini şertlendirdi.
Ine, 2014-nji ýylda Türkmenistanyň sportuň olimpiýa görnüşi boýunça iň gowy türgeni diýlip ykrar edilen türgen daşkentde geçirilen Gran-pri görnüşli halkara turnirinde täze üstünlige eýe boldy. Göreşiň ýapon görnüşi boýunça geçirilýän ýaryşlarda ýeňiş gazanmak has-da ähmiýetlidir. G.Babamyratowa häzirki döwürde Braziliýada geçiriljek Olimpiada-2016-a ýollanma almaga esasy dalaşgär bolup durýar. Ol geçen ýyl diňe bir Aziada ýaryşlarynda däl, eýsem, Olimpiada oýunlaryna hödürlenýän derejelerde reýting utuklary almaga mümkinçilik berýän Grand Slam görnüşli abraýly halkara bäsleşiklerinde ýokary netije görkezdi.
Ýaponiýada we Täjigistanda şu görnüş boýunça geçirilen ýaryşlara gatnaşyp, B.Babamyratowa degişlilikde 7-nji we 5-nji orunlara mynasyp boldy. Şeýle bäsleşiklere dünýäniň iň güýçli pälwanlary gatnaşýar. Bu ýokary görkezijiler türkmen türgeniniň 552 utuk bilen dereje babatdaky dünýä sanawynda 29-njy orna düşmegini şertlendirdi. Indi oňa Gazagystanyň paýtagty Astanada geljek ýylyň awgustynda geçiriljek dünýä çempionatyna taýýarlyk görmek işleri garaşýar. Onyň şol ýaryşlarda dünýäniň esasy bäsleşiklerine gatnaşmaga hukuk almaga mümkinçiligi bar.
Daşkentde geçirilen Gran-pri ýaryşlarynda 2016-njy ýylda Rio-de –Žaneýro (Braziliýa) şäherinde geçiriljek XXXI tomusky Olimpiýa oýunlaryna ýollanmany üpjün edýän baýrakly orunlar we ýokary utuklar ugrunda dünýäniň 52 ýurdundan güýçli türgenleriň 355-si gatnaşdy. Olar 200 erkek türgenleriň, 155 bolsa zenan türgenleriň arasynda geçirilen bäsleşiklerdir. Zenanlaryň arasynda geçirilen ýaryşlarda 52 kilograma çenli agram bäsleşikde çykyş edýän gyrgyzystanly Kseniýa Beldýagina we Türkmenistandan Gülbadam Babamyratowa ýarym finalda duşuşdylar. Türkmen türgeni bu bäsleşikde ýeňiş gazandy.
Lebaply 24 ýaşly halkara derejeli sport ussady final oýunlarynda germaniýaly Mariýa Ertlden “ippon” bahaly (ýapon söweş sungaty görnüşlerinde türgeniň gazanýan iň ýokary bahasy) arassa we netijeli ýeňşi gazanyp, altyn medala mynasyp boldy. Hünärmenler G.Babamyratowanyň ýeňişli hereketine haýran galandyklaryny bellediler. Türkmen türgeniniň bu emeline teleýaýlymlar arkaly birnäçe gezek tomaşa edildi.
Munuň özi Türkmenistanyň at gazanan tälimçileri Dörtguly Tejenowyň we Çemengul Geldibaýewanyň tälim beren türgeniniň dünýä sport giňişlindäki ilkinji ýeňşi däldir. Geçen ýylda Tailandda geçirilen Aziýa oýunlarynda sambonyň plýaž görnüşinde ol iň ökde türgen hökmünde ykrar edildi. Şeýle hem 2014-nji ýylda türkmen türgeni göreşiň beýleki görnüşleri boýunça geçirilen halkara bäsleşiginde has-da tapawutlandy. Ol geçen ýylyň noýabrynda Aşgabatda geçirilen guşakly göreş boýunça dünýä çempionatynda altyn medal, Koreýa Respublikasynda bolan Aziýa oýunlarynyň dzýudo boýunça geçirilen turnirinde kümüş baýraga mynasyp boldy. Hut şu ýeňişler Türkmenistanyň türgenini 2014-nji ýylyň tapawutlanan türgenleriň derejesinde birinji orna düşmegini şertlendirdi.
Ine, 2014-nji ýylda Türkmenistanyň sportuň olimpiýa görnüşi boýunça iň gowy türgeni diýlip ykrar edilen türgen daşkentde geçirilen Gran-pri görnüşli halkara turnirinde täze üstünlige eýe boldy. Göreşiň ýapon görnüşi boýunça geçirilýän ýaryşlarda ýeňiş gazanmak has-da ähmiýetlidir. G.Babamyratowa häzirki döwürde Braziliýada geçiriljek Olimpiada-2016-a ýollanma almaga esasy dalaşgär bolup durýar. Ol geçen ýyl diňe bir Aziada ýaryşlarynda däl, eýsem, Olimpiada oýunlaryna hödürlenýän derejelerde reýting utuklary almaga mümkinçilik berýän Grand Slam görnüşli abraýly halkara bäsleşiklerinde ýokary netije görkezdi.
Ýaponiýada we Täjigistanda şu görnüş boýunça geçirilen ýaryşlara gatnaşyp, B.Babamyratowa degişlilikde 7-nji we 5-nji orunlara mynasyp boldy. Şeýle bäsleşiklere dünýäniň iň güýçli pälwanlary gatnaşýar. Bu ýokary görkezijiler türkmen türgeniniň 552 utuk bilen dereje babatdaky dünýä sanawynda 29-njy orna düşmegini şertlendirdi. Indi oňa Gazagystanyň paýtagty Astanada geljek ýylyň awgustynda geçiriljek dünýä çempionatyna taýýarlyk görmek işleri garaşýar. Onyň şol ýaryşlarda dünýäniň esasy bäsleşiklerine gatnaşmaga hukuk almaga mümkinçiligi bar.
