Türkmenistanyň Medeniýet ministrligi bu folklor bäsleşiginiň guraýjysy bolup çykyş etdi. Gadymyýetde Hazar deňziniň kenarynda dörän bu dessur medeni babatda gazanylanlaryň aýrylmaz bölegine öwrüldi. Nusaýyň gadymy ritonlarynyň ýüzi bu tansyň pursatlary bilen nagyş görnüşinde bezelipdir. Asyrlaryň geçmegi bilen, “küştdepdi” dessury türkmen medeniýetiniň esasy ýüzi bolmak bilen, owadan, özboluşly tansa öwrülipdir. Wagtyň geçmegi bilen“küştdepdiniň” gözbaşlary halk döredijiliginiň doly suwly derýasyna goşulşypdyr. Häzirki wagtda türkmen durmuşynyň toýdyr dabaralarynyň biri hem “küştdepdisiz” geçmeýär.


Döredijilik gözden geçirilişine gatnaşýan folklor toparlary ýurduň sebitleriniň ählisini öz içine alýar. Bäsleşigiň düzgünlerine laýyklykda, oňa gatnaşyjylaryň we tomaşaçylaryň tans dessurynyň özboluşly täsirini duýar ýaly dürli akustiki effektli çykyşlaryň “konsertliligi” iň az ýagdaýa eltilýär. Her bir döredijilik toparynyň özboluşly horeografiki äheňi bardyr. Şonuň üçin hem ol owadan bolýar we uzak wagtlap ýatda galýar.

Mart aýynyň dowamynda sebitleriň ählisi festiwala gatnaşar. Bäsleşik “küştdepdiniň” watanynda – Balkan welaýatynda tamamlanar. Bu ýerde aprel aýynyň başynda halk tansynyň häsiýetini has takyk ýerine ýetiren we tomaşaçylara täsirini ýetirip bilen folklor toparlarynyň gatnaşmaklarynda konsertiň jemleýji tapgyry geçiriler.

“Küştdepdi” mundan ýüzlerçe ýyl ozal bolşy ýaly, dürli-dürlidir. Ol bu özboluşly tansa barha sany köpelýän hormat goýýanlaryň ählisini özünde birleşdirýär. Tansyň esasyny düzýän güýçli döredijilikli äheňiň netijesinde onuň ýylsaýyn ýaýrawy artýar.