Şu günler Ýakutskide (Russiýa) Halkara olimpiýa komitetiniň hem-de ÝUNESKO-nyň howandarlygynda guralan «Aziýanyň çagalary» atly VI halkara sport oýunlary geçirilýär. «Sportda dostlukdan — Zeminde parahatçylyga!» atly şygar astynda guralýan bu ýaryşlara 38 döwletden, şol sanda ýurdumyzdan ýaşajyk sagdyn durmuş ýörelgelerine eýerijileriň 3 müňüsi gatnaşýar. 2012-nji ýylda geçirilen şeýle oýunlarda ildeşlerimiziň dürli derejeli medallaryň 12-sine mynasyp bolandygyny ýatladýarys. Şonda türkmenistanly ýaşajyk türgenler boks, erkin göreş, woleýbol, dzýudo, sambo we küşt boýunça tapawutlandylar.
Bu oýunlarda Türkmenistanyň ýygyndy toparynyň düzümindäki 60-dan gowrak türgen sportuň dokuz görnüşi boýunça medallar ugrunda bäsleşer. Ildeşimiz halkara derejeli emin Aman Geldiýew bu ýaryşda sport göreşi boýunça bäsleşiklerde eminlik etmäge çagyryldy.
Ildeşlerimiz şu güne çenli medallaryň eýýäm bäşisini — altyn, kümüş we üç sany bürünç medallary gazandylar.
Erkin göreş boýunça 85 kilograma çenli agramda çykyş eden Zyýamuhammet Saparow hormat münberiniň iň ýokary basgançagyna çykdy. Bu ýeňiş Amangeldi Annarejebowdan tälim alýan Aşgabadyň «Olimp» sport mekdebiniň okuwçysynyň halkara ýaryşlarda ilkinji ýeňşidir. Bu bolsa onuň geljekde uly üstünlikler gazanjakdygyna ynam döredýär. Ol ýarym finalda gazagystanly S.Abylaýy ynamly ýeňdi, final tutluşygynda ildeşimiz ýer eýeleriniň toparynda çykyş eden L.Haronowy ýeňlişe sezewar etdi.
Türkmenistanyň ýygyndysyndan Maksat Çaryýarow kümüş medala mynasyp boldy. Ol sambo boýunça bäsleşikde 60 kilograma çenli agram derejesinde final tutluşygyna çykmagy başardy.
Sportuň bu görnüşi boýunça Didar Öwezmämmedow (42 kg. çenli agramda) hem-de Arzuwgeldi Hommadow (55 kg. çenli agramda) ýurdumyzyň milli ýygyndysyna bürünç medallaryň ikisini getirdiler. Dzýudo boýunça 46 kilograma çenli agramda çykyş eden Mergen Pirnepesow ýygyndymyzyň düzüminde üçünji bürünç medaly gazandy. Paýtagtymyzyň Ýaş olimpiýaçylary taýýarlaýan sport mekdebiniň wekili bolan bu ýaş türgen jemi dört duşuşyk geçirip, olaryň üçüsinde şri-lankaly, ýemenli we gazagystanly türgenleriň garşysyna owadan ýeňiş gazanmagy başardy.
Ýakutskide geçirilýän sport oýunlaryna guramaçylyk tejribesini toplamak üçin geljek ýyl Aşgabatda geçiriljek Ýapyk binalarda we söweş sungaty boýunça V Aziýa oýunlarynyň Guramaçylyk komitetiniň wekilleri hem geldiler. Bu ýaryşlara türkmen meýletinçi talyplarynyň 25-siniň hyzmat edýändigini hem bellemek gerek.
Çagalaryň sport ýaryşlary 17-nji iýula çenli dowam eder.
Ýaşajyk türgenlerimizden täze ýeňişlere garaşýarys.
Bu oýunlarda Türkmenistanyň ýygyndy toparynyň düzümindäki 60-dan gowrak türgen sportuň dokuz görnüşi boýunça medallar ugrunda bäsleşer. Ildeşimiz halkara derejeli emin Aman Geldiýew bu ýaryşda sport göreşi boýunça bäsleşiklerde eminlik etmäge çagyryldy.
Ildeşlerimiz şu güne çenli medallaryň eýýäm bäşisini — altyn, kümüş we üç sany bürünç medallary gazandylar.
Erkin göreş boýunça 85 kilograma çenli agramda çykyş eden Zyýamuhammet Saparow hormat münberiniň iň ýokary basgançagyna çykdy. Bu ýeňiş Amangeldi Annarejebowdan tälim alýan Aşgabadyň «Olimp» sport mekdebiniň okuwçysynyň halkara ýaryşlarda ilkinji ýeňşidir. Bu bolsa onuň geljekde uly üstünlikler gazanjakdygyna ynam döredýär. Ol ýarym finalda gazagystanly S.Abylaýy ynamly ýeňdi, final tutluşygynda ildeşimiz ýer eýeleriniň toparynda çykyş eden L.Haronowy ýeňlişe sezewar etdi.
Türkmenistanyň ýygyndysyndan Maksat Çaryýarow kümüş medala mynasyp boldy. Ol sambo boýunça bäsleşikde 60 kilograma çenli agram derejesinde final tutluşygyna çykmagy başardy.
Sportuň bu görnüşi boýunça Didar Öwezmämmedow (42 kg. çenli agramda) hem-de Arzuwgeldi Hommadow (55 kg. çenli agramda) ýurdumyzyň milli ýygyndysyna bürünç medallaryň ikisini getirdiler. Dzýudo boýunça 46 kilograma çenli agramda çykyş eden Mergen Pirnepesow ýygyndymyzyň düzüminde üçünji bürünç medaly gazandy. Paýtagtymyzyň Ýaş olimpiýaçylary taýýarlaýan sport mekdebiniň wekili bolan bu ýaş türgen jemi dört duşuşyk geçirip, olaryň üçüsinde şri-lankaly, ýemenli we gazagystanly türgenleriň garşysyna owadan ýeňiş gazanmagy başardy.
Ýakutskide geçirilýän sport oýunlaryna guramaçylyk tejribesini toplamak üçin geljek ýyl Aşgabatda geçiriljek Ýapyk binalarda we söweş sungaty boýunça V Aziýa oýunlarynyň Guramaçylyk komitetiniň wekilleri hem geldiler. Bu ýaryşlara türkmen meýletinçi talyplarynyň 25-siniň hyzmat edýändigini hem bellemek gerek.
Çagalaryň sport ýaryşlary 17-nji iýula çenli dowam eder.
Ýaşajyk türgenlerimizden täze ýeňişlere garaşýarys.
