Şu günler Russiýanyň paýtagtynda “Moskwa ýyldyzlary — uşu — 2017” atly III halkara ýaryş geçirilýär, onda türkmen türgenleri üç medala — bir kümüş we iki bürünç medala mynasyp boldular.
Ýaryşa jemi 16 ýurtdan — Hytaýdan, Ispaniýadan, Germaniýadan, Çehiýadan, Polşadan, Ysraýyldan, Fransiýadan, Türkiýeden we beýlekilerden 200-den gowrak türgen gatnaşýar. Bäsleşikler dünýäde ýeke-täk ýöriteleşdirilen sport toplumy — uşu köşgünde geçirilýär, bu toplumda 800-e golaý ugurlary we görnüşleri öz içine alýan başa-baş söweşleriň hytaý görnüşi boýunça türgenleşikler hem-de ýaryşlar geçirilýär.
Bäsleşikler alty ugur boýunça geçirilýär. Türkmenistanlylar uşu — sanda söweş görnüşi boýunça tapawutlandylar. 56 kilograma çenli agram derejesinde çykyş eden Jennet Atabaýewa kümüş medala eýe boldy. Biziň ildeşimiz aýgytlaýjy tutluşykda ýer eýeleriniň wekilinden asgyn geldi.
Erkekleriň toparynda degişlilikde 48 kilograma çenli we 60 kilograma çenli agram derejelerinde çykyş eden Mekan Gulmyradow hem-de Serdar Nurgeldiýew bürünç medala eýe boldular.
Türgenlerimizi ýaryşlara Uşu milli federasiýanyň başlygy Ýazmyrat Annamyradow taýýarlady. Indi hytaý söweşjeň sungaty boýunça türkmen türgenleri şu ýylyň esasy ýaryşlaryna — güýz paslynda Kazanda (Russiýa) geçirilmegi meýilleşdirilen dünýä çempionatyna taýýarlyk görerler. Dünýäniň birinjiligine 80 ýurtdan 1,5 müňe golaý türgeniň gatnaşjakdygy mälimdir.
Ýaryşa jemi 16 ýurtdan — Hytaýdan, Ispaniýadan, Germaniýadan, Çehiýadan, Polşadan, Ysraýyldan, Fransiýadan, Türkiýeden we beýlekilerden 200-den gowrak türgen gatnaşýar. Bäsleşikler dünýäde ýeke-täk ýöriteleşdirilen sport toplumy — uşu köşgünde geçirilýär, bu toplumda 800-e golaý ugurlary we görnüşleri öz içine alýan başa-baş söweşleriň hytaý görnüşi boýunça türgenleşikler hem-de ýaryşlar geçirilýär.
Bäsleşikler alty ugur boýunça geçirilýär. Türkmenistanlylar uşu — sanda söweş görnüşi boýunça tapawutlandylar. 56 kilograma çenli agram derejesinde çykyş eden Jennet Atabaýewa kümüş medala eýe boldy. Biziň ildeşimiz aýgytlaýjy tutluşykda ýer eýeleriniň wekilinden asgyn geldi.
Erkekleriň toparynda degişlilikde 48 kilograma çenli we 60 kilograma çenli agram derejelerinde çykyş eden Mekan Gulmyradow hem-de Serdar Nurgeldiýew bürünç medala eýe boldular.
Türgenlerimizi ýaryşlara Uşu milli federasiýanyň başlygy Ýazmyrat Annamyradow taýýarlady. Indi hytaý söweşjeň sungaty boýunça türkmen türgenleri şu ýylyň esasy ýaryşlaryna — güýz paslynda Kazanda (Russiýa) geçirilmegi meýilleşdirilen dünýä çempionatyna taýýarlyk görerler. Dünýäniň birinjiligine 80 ýurtdan 1,5 müňe golaý türgeniň gatnaşjakdygy mälimdir.
