Türkmenistanyň Magtymguly adyndaky sazly-drama teatrynda iki ýurduň opera ussatlarynyň we Döwlet medeni merkeziniň Mukamlar köşgüniň Döwlet simfoniki orkestriniň konserti body.
Medeni çäräniň guramaçylary Türkmenistanyň Medeniýet ministrliginiň we Italýan Respublikasynyň Ilçihanasynyň tagallasy bilen aşgabatly saz muşdaklaryna tanymal opera aýdymçysy Sandra Buongrasionyň aýdymlaryny eşitmek bagty miýesser etdi. Abrusso sebitinde dünýä inen Sandra Buongrasio Peskaryň «D'Annunzio» konserwatoriýasynda wokaldan sapak berýär. Ol belli operalarda esasy zenan partiýalaryny ýerine ýetirýär we Juzeppe Werdiniň eserleriniň muşdagy. Hut şu sebäplem ol konsertde bu nusgawy kompozitoryň eserleriniň dokuzysyny ussatlarça ýerine ýetirdi.
Konsert Türkmenistanyň Döwlet simfoniki orkestriniň ýerine ýetirmeginde Juzeppe Werdiniň „Ykbalyň güýji“ operasyndan simfoniýa bilen açyldy. Orkestre Italiýadan Daniele Ajiman dirižýorlyk etdi.
Daniele Ajiman Milanyň Juzepe Werdi adyndaky konserwatoriýasynyň orkestr dirižýorlygynyň professorydyr. Ony italýan operasy repertuary boýunça ussatlyk sapagyny berýän mugallym hökmünde dünýä ýurtlarynyň ençemesine çagyrýarlar. Daniele Ajimanyň belent ussatlygy bilen türkmen sazandalary birnäçe türgenleşikde eseri ussatlarça ýerine ýetirdiler.
Aşgabatly tomaşaçylar Sandra Buongrasionyň sahna çykaryna sabyrsyzlyk bilen garaşýardylar. Ol çykyşynyň başynda „Trubadur“ operasyndan Azuçenanyň ariýasyny aýtmakdan başlady. Ildeşlerimiz italiýaly tanymal aýdymçynyň labyzly messo-soprano sesine ýokary baha berdiler.
Konserte Türkmenistanyň Döwlet simfoniki orkestriniň aýdymçylary Nury Nurýew, Žanna Saýan, Leýli Ökdirowa, Ismaýyl Jumaýew dagy hem gatnaşdyalar. Olar J. Werdiniň „Rigelletto“, „Trubadur“, „Bal-maskarad“ operalaryndan ariýalary ýerine ýetirdiler.
Konsertiň birinji bölegi türkmen-italýan dörtlüginiň ýerien ýetirmeginde „Rigoletto“ operasyndan bir bölek ýaňlandy.
Ikinji bölümde J. Werdiniň eserlerinden başga-da, Şarl-Kamil Sen-Sanyň, Pýetro Maskanýiniň, Amilkare Ponkýelliniň, Jakomo Puççininiň, Žorž Bizäniň operalaryndan bölekler ýerine ýetirildi. D. Ajimanyň ýolbaşçylygndaky simfoniki orkestr aýdymçylara ussatlarça sazandarlyk etdi.
Konsert solistleriň ählisiniň kwintet bolup ýerine ýetirmeginde J. Werdiniň „Trubadur“ operasyndan bölek bilen tamalandy. Tomaşaçylar şowhunly el çarpmalar bilen myhmanlaryň hem-de türkmen aýdymçy-sazandalarynyň zehinine ýokary baha berdiler, olar aşgabatlylara türkmen-italýan medeni gatnaşyklarynda täze ýakymly sahypa ýazan nusgawy saz agşamyny sowgat ediler.
Medeni çäräniň guramaçylary Türkmenistanyň Medeniýet ministrliginiň we Italýan Respublikasynyň Ilçihanasynyň tagallasy bilen aşgabatly saz muşdaklaryna tanymal opera aýdymçysy Sandra Buongrasionyň aýdymlaryny eşitmek bagty miýesser etdi. Abrusso sebitinde dünýä inen Sandra Buongrasio Peskaryň «D'Annunzio» konserwatoriýasynda wokaldan sapak berýär. Ol belli operalarda esasy zenan partiýalaryny ýerine ýetirýär we Juzeppe Werdiniň eserleriniň muşdagy. Hut şu sebäplem ol konsertde bu nusgawy kompozitoryň eserleriniň dokuzysyny ussatlarça ýerine ýetirdi.
Konsert Türkmenistanyň Döwlet simfoniki orkestriniň ýerine ýetirmeginde Juzeppe Werdiniň „Ykbalyň güýji“ operasyndan simfoniýa bilen açyldy. Orkestre Italiýadan Daniele Ajiman dirižýorlyk etdi.
Daniele Ajiman Milanyň Juzepe Werdi adyndaky konserwatoriýasynyň orkestr dirižýorlygynyň professorydyr. Ony italýan operasy repertuary boýunça ussatlyk sapagyny berýän mugallym hökmünde dünýä ýurtlarynyň ençemesine çagyrýarlar. Daniele Ajimanyň belent ussatlygy bilen türkmen sazandalary birnäçe türgenleşikde eseri ussatlarça ýerine ýetirdiler.
Aşgabatly tomaşaçylar Sandra Buongrasionyň sahna çykaryna sabyrsyzlyk bilen garaşýardylar. Ol çykyşynyň başynda „Trubadur“ operasyndan Azuçenanyň ariýasyny aýtmakdan başlady. Ildeşlerimiz italiýaly tanymal aýdymçynyň labyzly messo-soprano sesine ýokary baha berdiler.
Konserte Türkmenistanyň Döwlet simfoniki orkestriniň aýdymçylary Nury Nurýew, Žanna Saýan, Leýli Ökdirowa, Ismaýyl Jumaýew dagy hem gatnaşdyalar. Olar J. Werdiniň „Rigelletto“, „Trubadur“, „Bal-maskarad“ operalaryndan ariýalary ýerine ýetirdiler.
Konsertiň birinji bölegi türkmen-italýan dörtlüginiň ýerien ýetirmeginde „Rigoletto“ operasyndan bir bölek ýaňlandy.
Ikinji bölümde J. Werdiniň eserlerinden başga-da, Şarl-Kamil Sen-Sanyň, Pýetro Maskanýiniň, Amilkare Ponkýelliniň, Jakomo Puççininiň, Žorž Bizäniň operalaryndan bölekler ýerine ýetirildi. D. Ajimanyň ýolbaşçylygndaky simfoniki orkestr aýdymçylara ussatlarça sazandarlyk etdi.
Konsert solistleriň ählisiniň kwintet bolup ýerine ýetirmeginde J. Werdiniň „Trubadur“ operasyndan bölek bilen tamalandy. Tomaşaçylar şowhunly el çarpmalar bilen myhmanlaryň hem-de türkmen aýdymçy-sazandalarynyň zehinine ýokary baha berdiler, olar aşgabatlylara türkmen-italýan medeni gatnaşyklarynda täze ýakymly sahypa ýazan nusgawy saz agşamyny sowgat ediler.
