Şu günler Türkmenistanyň Döwlet muzeýine gelýänler Aşgabadyň fotosuratlar ýylsenesi bilen tanyşmaga mümkinçilik aldylar, olar ak mermere bürenen şäheriň taryhyna we şu gününe bagyşlanan tematiki sergidede görkezilýär.

Türkmen paýtagtynyň geçmişine bagyşlanan suratlar şäheriň binagärlik ösüşine, Zeminde iň ak mermere beslenen şäher hökmünde Ginnesiň rekordlar kitabyna giren paýtagtmyzyň durmuşynyň ähli ugurlaryny öz içine alan we megapolisiň sazlaşykly keşbinde hem-de kaşaň görkünde öz beýanyny tapan uly möçberli özgertmelerine syn etmäge mümkinçilik berýär.

Şeýle hem sergide žiwopis eserleri we ýordumly halylar, gymmatly daşlardan we metallardan ýasalan paýtagtyň şanly simwollarynyň nusgalary, gözel binalarynyň fotosuratlary goýlupdyr.