Aşgabatdaky zawodyň meýdanynda peýda bolan önümçilik düzümlerinde kabellerden başga-da, elektrotehniki önümler çykarylýar. Paýtagtymyzyň Büzmeýin etrabyndaky ýygnama sehinde bir fazaly elektron tok hasaplaýjy enjamlaryň önümçiligi ýola goýuldy. Bu ýerde ýylda 180 müňe golaý enjam çykarmak göz öňünde tutulýar.
Zawodda öndürilýän kaolinden ýasalan keramiki izolýatorlara, predohranitellere, rubilniklere, togy aýryjylara, tok bölüji şkaflara, trawerslere we elektrik ulgamlaryna niýetlenen beýleki önümlere ýurdumyzyň energetika pudagynda uly isleg bildirilýär.
Kärhanada trasformator podstansiýalaryny çykarýan seh hereket edýär, santehnika önümleriniň önümçiligi ýola goýuldy. Mundan başga-da, kärhananyň binalaryny kärendesine alýan hojalyk bileleşikleri elektrik önümleriniň we elektron enjamlaryň ençeme görnüşini, demir gurnamalary hem-de beýleki önümleri öndürýärler.
