Halkara zenanlar baýramynyň öňüsyrasynda Magtymguly adyndaky Milli sazly-drama teatrynda «Toýmuza gel, toýmuza!» atly gülküli oýnuň ilkinji görkezilişi boldy. Arkadagymyzyň ýatlamalarynyň esasynda Türkmenistanyň sungatda at gazanan işgäri, dramaturg Aman Rozyýewiň ýazan pýesasynda goňşy obada ýaşaýan aşyk-magşugyň toýunyň wakalary bolup geçýän wagtyny geçen asyryň 60-70-nji ýyllarynyňka meňzedipdri.
Birek-birek doglan gününden bäri tanalaýan obada toý – bar kişä deň baýram. Oýny goýan režisýor Türkmenistanyň sungatda at gazanan işgäri Aýnazar Batyrow eseriň ýordumynda oba durmuşy bilen şäher durmuşynyň çaprazlygyndaky ata-baba gelýän däbiň ýöredilişini görkezýär.
Gadymy ýörelgelere eýerilýän oba toýlary şadyýan geçýär. Täze oýny sahnalaşdyryan döredijilik işgärleri şol döwrüň adamlaryna mahsus sypatlary – olaryň häsiýetlerini, sözlerini, şeýle hem şol döwürde ýoň bolan egin-eşikleri görkezmäge çalşypdyrlar. Öz wagtyna muwappyk zatlaryň sahna bezeginde ýerlikli ulanylmagy şol döwre düşen ýaly duýgy döredýär. Mysal üçin, uranyňda görkezýän çyraly telewizorda şol döwürde hemmeleriň halap gören «Zita we Gita» hindi filmi görkezilýär...
Toýa taýýarlyk nähili üýtgeşik berlipdir diýsene! Meselem, gowaçaly atyzyň gapdalyndan geçip barýan sygyr sürüsini, dogrusy, bary-ýogy iki sygryň şekilini aýtjakmy! Welosipedli aýlanyp ýören oba radiouzeliniň müdiri näme! Toý gidip durka öçýän çyra-da şol döwrüň alamaty ahyryn. Galyberse-de, şol döwürlerde ürç edilip diňlenilen, toýlara çagyrylan aýdymçylaryň aýdan «Dessan» toparynyň, Annaberdi Atdanowyň we Öwezgeldi Tekäýewiň aýdymlary hem jüpüne düşüpdir.
Pýesanyň gahrymanlarynyň keşbini döreden artistleriň işi hem şowly çykypdyr. Ýaş aktrisa Nurgözel Gurbangeldiýewa Näzik gelniň, Döwran Saryýew öýlenýän ýigidiň, Türkmenistanyň halk artisti Halbike Dowyýewa ýigidiň dogumly ejesiniň keşbini döredipdirler.
Türkmen toýunyň özboluşly däplerine aralaşmaga mümkinçilik berýän «Toýmuza gel, toýmuza!» oýny baýramçylyk günleri gyzykly ýordumy, gülkünç pursatlary bilen tomaşaçylaryň göwnünden turar.
Birek-birek doglan gününden bäri tanalaýan obada toý – bar kişä deň baýram. Oýny goýan režisýor Türkmenistanyň sungatda at gazanan işgäri Aýnazar Batyrow eseriň ýordumynda oba durmuşy bilen şäher durmuşynyň çaprazlygyndaky ata-baba gelýän däbiň ýöredilişini görkezýär.
Gadymy ýörelgelere eýerilýän oba toýlary şadyýan geçýär. Täze oýny sahnalaşdyryan döredijilik işgärleri şol döwrüň adamlaryna mahsus sypatlary – olaryň häsiýetlerini, sözlerini, şeýle hem şol döwürde ýoň bolan egin-eşikleri görkezmäge çalşypdyrlar. Öz wagtyna muwappyk zatlaryň sahna bezeginde ýerlikli ulanylmagy şol döwre düşen ýaly duýgy döredýär. Mysal üçin, uranyňda görkezýän çyraly telewizorda şol döwürde hemmeleriň halap gören «Zita we Gita» hindi filmi görkezilýär...
Toýa taýýarlyk nähili üýtgeşik berlipdir diýsene! Meselem, gowaçaly atyzyň gapdalyndan geçip barýan sygyr sürüsini, dogrusy, bary-ýogy iki sygryň şekilini aýtjakmy! Welosipedli aýlanyp ýören oba radiouzeliniň müdiri näme! Toý gidip durka öçýän çyra-da şol döwrüň alamaty ahyryn. Galyberse-de, şol döwürlerde ürç edilip diňlenilen, toýlara çagyrylan aýdymçylaryň aýdan «Dessan» toparynyň, Annaberdi Atdanowyň we Öwezgeldi Tekäýewiň aýdymlary hem jüpüne düşüpdir.
Pýesanyň gahrymanlarynyň keşbini döreden artistleriň işi hem şowly çykypdyr. Ýaş aktrisa Nurgözel Gurbangeldiýewa Näzik gelniň, Döwran Saryýew öýlenýän ýigidiň, Türkmenistanyň halk artisti Halbike Dowyýewa ýigidiň dogumly ejesiniň keşbini döredipdirler.
Türkmen toýunyň özboluşly däplerine aralaşmaga mümkinçilik berýän «Toýmuza gel, toýmuza!» oýny baýramçylyk günleri gyzykly ýordumy, gülkünç pursatlary bilen tomaşaçylaryň göwnünden turar.
