Türkmenistanyň demirgazygynda köpçülikleýin kartoşka ýygymy dowam edýär. Şu ýylyň baharynda Daşoguz welaýatynda bu ekin ekilen meýdan 4 müň gektara çenli artdyryldy. Ortaça hasyllylygy gektardan 140 sentner bolanda azyndan 56 müň tonna kartoşka ýygnamak göz öňünde tutulýar, munuň özi geçen ýyldakydan ep-esli köpdür. Gurbansoltan eje adyndaky etrap «ýeralmasyny» esasy öndürijidir, bu ýerde ol 2 müň 100 gektar ýere ekildi.

Ýurduň demirgazyk sebitiniň toprak-howa şertlerinde kartoşka öndürilişi bu ekini ýetişdirmegiň tehnologiýasyny kämilleşdirmek boýunça çäreleri, ýerli şertlere gowy uýgunlaşan, ýokary hasylly, kesellere durnukly we idege dannawsyz görnüşlerini saýlamagy şertlendirýär. Toplumlaýyn, ylmy taýdan esaslandyrylan çemeleşme we oba hojalyk täzeçillikleri bu azyklyk önümiň öndürilişini artdyrmak boýunça wezipäni üstünlikli çözmäge mümkinçilik berýär.
* * *
hatarynda ýapyk bazar, dürli ugurdan dükanlar, gözellik salonlary, toý-dabaralary geçirmek üçin iki zaly, ugurdaş binalaryň birnäçesi bolan iri söwda merkezi guruldy.

Toplumyň töweregi abadanlaşdyrylýar. Agaçlar ekildi, gülli aýmançalar guruldy, çyralar oturdylýar, inženerçilik kommunikasiýalar çekilýär. Gurluşygy Türkmenistanyň Senagatçylar we telekeçiler birleşmesiniň agzasy «Myradym» hususy kärhanasy amala aşyrdy.