Ï «Türkmenfilmiň» ýurdumyzyň Bitaraplygyna bagyşlanan premýeralary
mail-icon
altynasyr.newspaper@sanly.tm
EN RU TK

«Türkmenfilmiň» ýurdumyzyň Bitaraplygyna bagyşlanan premýeralary

view-icon 3196
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
«Türkmenfilmiň» ýurdumyzyň Bitaraplygyna bagyşlanan premýeralary
Oguz han adyndaky «Türkmenfilm» birleşiginde Türkmenistanyň Bitaraplygynyň 25 ýyllygyna bagyşlanan çeper filmiň nobatdaky premýerasy görkezilişe taýýarlanyldy.

«Durmuş kyssalary» atly filmde häzirki döwrümiz, Garaşsyz Bitarap döwletimiziň gazananlary, ýaşlar üçin okamaga, döretmäge, zähmet çekmäge döredilýän giň mümkinçilikler barada gürrüň berilýär. Bu tema ýaşlaryň üçüsiniň durmuşy barada gürrüňiň mysalynda açylyp görkezilýär.

Şahyr, türgen we fizik-matematik -- bir-birine aýrylmaz wepaly dostlaryň hersiniň öz gaýtalanmaz hem gyzykly durmuşy bar. Film olaryň ýetginjeňligini, ýaşlygyny, kemala gelşini görkezýär. Onda gulluk, okuw we hünär edinýän döwri, gahrymanlaryň söwerleri bilen ilkinji duşuşyklary, durmuş toýy barada gyzykly, mylaýym we özüne çekiji sahnalar kän.

Ýaş türkmen režisýory Arslan Eýeberdiýewiň bu işi hakyky we çyn dostluk, söýgi, watanperwerlik, ahlak, belent adamkärçilik gymmatlyklary barada gürrüň berýär. Fimde baş keşpleri zehinli ýaş artistler – Hangeldi Çaryýew, Annadurdy Täçliýew, Ahmet Amandurdyýew dagy döredipdirler.

Şeýle hem filme tanymal türkmen aktýorlary gatnaşýarlar. Olaryň arasynda Türkmenistanyň halk artistleri Çary Berdiýew, Näzik Gurbanowa, ýurdumyzyň at gazanan artistleri Sülgün Täçliýewa, Baýramtäç Hojamämmedowa, Ýagmyr Gurbannazarow dagy bar.

«Durmuş kyssalary» filminiň premýerasy teletomaşaçylara şenbe güni, 19-njy dekabrda «Ýaşlyk» milli teleýaýlymynda agşam görkeziler.

«Türkmenfilm» birleşiginde Watanymyzyň Bitaraplygynyň 25 ýyllygyna gabatlanyp täze çeper filmleriň üçüsiniň döredilendigini bellemek gerek. Olaryň biri «Galkynyş» filmi barada biz baýramyň öň ýanynda okyjylarymyza gürrüň beripdik, onuň premýerasy Bitaraplyk baýramy güni görkezilipdi.

11-nji dekabrda teletomaşaçylara «Türkmenfilm» ýene bir baýramçylyk premýerasyny --«Ýaş köňülleriň ganaty» atly film görkezdi. Režisýor Batyr Batyrowyň filmi zehinli türkmen ýaşlaryna, olaryň döredijilikli zähmetine, döredijiligine, elbetde, ýaşlaryň ajaýyp üstünliklerine bagyşlanýar. Ýaş nakgaş, horeograf, şahyr, türgen, şeýle hem beýleki kärdäki ýaşlar baş gahrymanlaryň keşplerini döredipdirler.

Gahrymanlaryň dürli bäsleşiklerdäki ýeňişleri filmde täsirli çykypdyr. Mysal üçin, baş gahrymanlaryň Türkmenistanyň Prezidentiniň yglan eden «Türkmeniň Altyn asyry» bäsleşiginde ýeňiş gazanmagy filmiň ýordumynyň täsirli wakalarynyň biri. Baş keşpleri döreden ýaş artistlreiň bu işiniň ilkinjidigini bellemelidiris. Olaryň arasynda Aýsenem Nazarowa, Reşit Nazarow, Merdan Babaýew, Sülgün Orazdurdyýewa, Ogulşeker Gurbanowa we beýlekiler bar. Olara üstünlikler arzuw edýäris we filmiň «Ýaşlyk» teleýaýlymynda Täze ýylyň öň ýanyndaky günlerde görkeziljekdigini ýatladýarys.