Lebap welaýatynyň Halaç etrabynda ýerleşýän keramika önümleriniň giň görnüşini çykarýan döwrebap önümçilik toplumy bezeglik önümleri çykarmagy güýçlendirýär. Her gün bu ýerde 140 müňden gowrak taýýar önüm öndürilýär.

«Döwletli Döwran» hojalyk jemgyýetiniň tabşyrygy boýunça gurlan kärhananyň işe girizilen döwründen bäri geçen dört aýda bu ýerde bezeglik kerpiçiň on milliona golaýy çyakryldy.

Zawodyň önümlerine içerki bazarda uly isleg bildirilýär, ol senagat we ýaşaýyş jaýlarynyň gurluşygynda ulanylýar. Telekeçiler önümçiligi güýçlendirmegi göz öňünde tutýarlar we eksporta çykmak ugrunda iş alyp barýaralr.

Keramiki gurluşyk materiallaryny çykarýan zawod – ýurdumyzda doly awtomatlaşdsyrylan, bezeglik kerpiç, termoblok, ýanýoda daşlaryny öndürmäge niýetlenen ilkinji kärhanadyr.

Kärhananyň sehleriniň ählisi Ýewropanyň we Ýaponiýanyň öňdebaryjy kompaniýalarynyň döwrebap sanly enjamlary bilen üpjün edilen. Iş programma üpjünligi arkaly uzak aralykan dolandyrylýar. Golaýdaky hennek kärhanany çig mal - toýun bilen üpjün edýär.

Zawodyň ikinji nobatdakysy işe girzilenden soň bu ýerde binalaryň daşynyň plitkalary we ýuka keramika önümleri çykarylar.

Wladimir KOMAROW