Ï Sazandalaryň we bagşylaryň milli bäsleşigi jemlendi
mail-icon
altynasyr.newspaper@sanly.tm
EN RU TK

Sazandalaryň we bagşylaryň milli bäsleşigi jemlendi

view-icon 4298
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi
Sazandalaryň we bagşylaryň milli bäsleşigi jemlendi

9-njy aprelde Türkmenistanyň Döwlet medeni merkeziniň Mukamlar köşgünde Türkmenistanyň medeniýet ministrligi we Magtymguly adyndaky Ýaşlar guramasynyň Merkezi geňeşi tarapyndan guralan «Dutar ýasamak senetçiligi, saz çalmak we bagşyçylyk sungaty» bäsleşiginiň jemi jemlendi.

Bu döredijilik gözden geçirilişiniň maksady – türkmen halkynyň we dünýä medeniýetiniň taryhy-medeni mirasynyň gymmatly baýlygy hasaplanýan bagşyçylyk sungatyny köpçülige giňden ýaýratmak, şeýle-de, milli saz gurallaryny ýasamagyň ussatlygyny kämilleşdirmek, hünär tejribesini alyşmak we dutarçylyk, bagşyçylyk senediniň milli mekdebini ösdürmekdir.

Bäsleşige ýöriteleşdirilen sazçylyk mekdepleriniň mugallymlary we talyplary, medeni merkezleriň we teatrlaryň işgärleri hem-de çeper höwesjeňler gatnaşdylar. Bäsleşik üç ugur: dutar ýasamak, dutar çalmak we bagşyçylyk senedi boýunça geçirildi.

Tejribeli eminleriň kesgitlän iň gowy sazandalary we bagşylary diplomlar we hormat hatlary bilen sylaglandy. Ahal welaýatyndan dutarçy ussa Kakamyrat Magtymberdiýew ýeňijileriň biridir.

Ol şeýle gürrüň berýär: «Heniz çagakam bu senediň ähli tilsimlerini öwrenmek üçin kakamyň dutar ýasaýşyny gyzyklanyp synlaýardym. Kem-kemden kakamdan bu käriň ähli zerur hünär endiklerini öwrendim. Dutar ýasamak ýeke bir köp zähmeti talap etmän, zehin we tejribeden başga, örän uzak wagta çekýän işdir. Bir gowy dutar ýasamagyň möhleti onuň agaçdan materialyny taýynlamakdan başlap - ençeme aýa, käteler bolsa bir ýyla çenli uzaýar. Ilki köp ýaşan tut agajyny tapmaly, türkmen ussalary dutaryň kädisini, sapyny, gapagyny diňe şondan taýynlaýarlar, onuň düýp sütüniniň hiç hili şikesi bolmaly däldir. Soňra ony mazaly guratmaly, Günüň şöhlesini siňdirmeli we diňe şundan soňra dutaryň ownuk böleklerini ýasamaga girişmeli».

Kakamyrat öz kakasyndan öwrenen ähli tilsimlerini bäsleşigiň hormat hatyna mynasyp bolan dogany Döwletýara-da öwretdi. «Biz soňky wagtda ýasan dutarlarymyzda öz nyşanymyzy – arassa we labyzly owazyň nusgasy bolan jaňjagazy şekillendirýäris» diýip, Kakamyrat gürrüňini dowam edýär. Toýlarda we maşgala baýramçylyklarynda aýdym aýtmagy söýýän Kakamyrat dutary-da ezber çalýar.

Balkan welaýatynyň wekili Maýa Kulyýewa adyndaky Türkmen milli konserwatoriýasynyň uçurymy Mähri Allakowa hem uly höwes bilen türkmen halk aýdymlaryny ýerine ýetirýär. Mähri «Haýyt ýykan» diýen halk aýdymyny özboluşly äheňde labyzly aýdýar.

Mähri entek mekdebiň dördünji synpynda okaýarka aýdym aýdyp başlady. Soňra Balkan welaýatynyň ýöriteleşdirilen sazçylyk mekdebinde aýdymyň çylşyrymly ussatlyk ýollaryny geçdi. Meretguly Annadurdyýew onuň ilkinji halypasydyr.

Mähri şeýle gürrüň berýär: «Men aýratynam halk aýdymlaryny aýtmagy gowy görýän. Olaryň örän çuň manysy bar, dutaryň ýakymly owazy aýdymy öz isleýşiň ýaly baýlaşdyrmaga mümkinçilik berýär».

Аýjahan АТАBALLYÝEWA

Suraty: Ýuriý ŞKURINIŇKI