Ï Türkmenistanyň ýaşlar milli futbol topary Aziýa Kubogy-2022-niň saýlaw ýaryşyna başlaýar
mail-icon
altynasyr.newspaper@sanly.tm
EN RU TK

Türkmenistanyň ýaşlar milli futbol topary Aziýa Kubogy-2022-niň saýlaw ýaryşyna başlaýar

view-icon 10448
Türkmenistanyň ýaşlar milli futbol topary Aziýa Kubogy-2022-niň saýlaw ýaryşyna başlaýar

Ýokary liganyň klublaryndan 23 futbolçy şu gün Ammanda Aziýa Kubogy-2022 saýlaw ýaryşyny başlajak Türkmenistanyň ýaşlar milli ýygyndysyna (23 ýaşa çenli) goşuldy.

Başlangyç saýlaw ýaryşynda biziň futbolçylarymyz I toparda Iordaniýanyň we Palestinanyň toparlary bilen güýç synanyşar. Türkmenistanyň milli ýygyndysy bu duşuşyga 42 ýaşly meşhur tälimçi Ahmet Agamyradowyň ýolbaşçylygynda Aşgabatda taýýarlandy.

Indi 5-nji gezek oýnaljak Aziýa Kubogy-2022 ugrunda 11-e bölünen 42 topar bäsleşer.

Ýaryşlaryň jemleýji bölegine toparlaryň ýeňijileri we iň gowy görkezijiler bilen ikinji orunlary eýelän iň gowy dört topar finala çykar.

2022-nji ýylyň 1-nji iýunyndan 20-nji iýuny aralygynda Daşkentde geçiriljek jemleýji ýaryşda olara ýer eýesi hökmünde özbek futbolçylary-da goşular.

23 ýaşa çenli oýunçylaryň arasynda Aziýa futbol çempionaty 2013-nji ýyldan bäri geçirilýär. Mundan öň Özbegistanyň, Koreýa Respublikasynyň, Ýaponiýanyň we Yragyň ýaşlar toparlary bu kubogyň eýesi bolupdylar.

«AA»-nyň habarçysy