Türkmenistanyň ýygyndysy (ýaşy 23-e çenli) futbol boýunça Aziýa Kubogy-2022 ýaryşynyň dördünji bije sebedinde bolar. Degişli habary Aziýanyň futbol konfederasiýasy yglan etdi.

Oňa laýyklykda, sebetler, ine, şeýle:

1-nji sebet: Özbegistan, Koreýa Respublikasy, Saud Arabystany, Awstraliýa.

2-nji sebet: Iordaniýa, Tailand, BAE, Eýran.

3-nji sebet: Yrak, Katar, Wýetnam, Ýaponiýa.

4-nji sebet: Täjigistan, Malaýziýa, Kuweýt, Türkmenistan.

Şeýlelikde, Türkmenistanyň ýaşlar ýygyndysy final ýaryşynda Tajigistanyň, Malaýziýanyň we Kuweýtiň toparlary bilen duşuşmaz.

Futbol boýunça ýaşlar Aziýa Kubogy-2022 ýaryşynyň bijesi 17-nji fewralda atylar. Onuň netijesi boýunça hersinde 4 ýygyndyly 4 topar dörediler. Her topardan güýçli ýygyndylaryň ikisi çärýek finala çykar.

Aýgytlaýjy oýun 2022-nji ýylyň iýun aýynyň 1-inden 19-y aralygynda Daşkentde geçiriler. Onuň netijesi boýunça güýçli ýygyndylaryň üçüsi 2024-nji ýylda Parižde geçiriljek Olimpiýa oýunalaryna gatnaşmaga hukuk gazanar.

Ýygyndynyň tälimçisi Ahmet Agamyradowyň şägirtleri Ammanda geçirilen ýaryşyň netijesi boýunça ýaşlar Aziýa Kubogy-2022 ýaryşynyň final tapgyrynda ilkinji gezek hukuk gazandylar.