«Aşgabadyň» futzalçy gyzlary Türkmenistanyň çempiony boldular. Olar paýtagtymyzyň Olimpiýa şäherçesinde tamamlanan ýurdumyzyň çempionatynda şeýle üstünlik gazandylar.

Aýlaw görnüşli birinjilikde dört topar ýaryşdy.

Birinji tapgyrda «Aşgabat» «Lebaby» 4:0, «Ahal» «Balkany» 3:0 hasabynda utdy. Ikinji tapgyrda «Lebap» «Balkany» 4:0 hasabynda utdy, «Aşgabat» bilen «Ahal» 2:2 hasabynda deň oýnady. Üçünji tapgyryň oýunlary: «Aşgabat» «Balkan» 5:0, «Ahal» «Lebap» 3:1 hasabynda tamamlandy.

Şu duşuşyklarda «Aşgabat» bilen «Ahal» 7 utuk topladylar, ýöne salnan we geçirilen pökgi tapawudy boýunça «Aşgabat» Türkmenistanyň çempiony boldy. Paýtagtyň toparyny ozal Aşgabadyň «Köpetdagynda» we ýurduň milli ýygyndysynda oýan tanymal futbolçy Kamil Mingazow baş tälimçi hökmünde bassyr bäşinji gezek bu üstünlige ýetirdi.

«Ahal» milli birinjiligiň kümüş, «Lebap» – bürünç baýragyna mynasyp boldular.