Şu günler «Türkmen çarwa» hususy kärhanasynyň buýurmasy esasynda Türkmenistanyň Senagat we gurluşyk önümçiligi ministrliginiň Daşoguz demir-beton önümleri zawodynyň işgärleri köp gatly iri panelli ýaşaýyş jaýlarynyň gurluşygy üçin ähli zerur düzüm böleklerini öndürýärler.

Bu önümler Daşoguzda 24 we 32 otagly dört gatly uly panelli ýaşaýyş jaýlarynyň toplumyny gurmak üçin niýetlenendir.

Öz wagtynda iberilmeginiň netijesinde hususy kärhananyň hünärmenleri jaýlaryň ilkinjisiniň gurluşygyna başladylar.

Uly panelli jaýlardaky otaglar özleriniň amatlylygy we giňligi bilen tapawutlanýarlar.

Soňky ýyllarda Daşoguz welaýatyň dolandyryş merkezinde şäher ösüşini işjeňleşdirmegiň esasylarynyň biri, ýöriteleşdirilen pudaklaryň ýeterlik ulgamynyň bolmagydyr.

Sebitde dürli gurluşyk materiallaryny öndürmek bilen meşgullanýan dürli eýeçilik görnüşindäki kärhanalaryň sany yzygiderli köpelýär.

Olaryň arasynda kerpiç zawodlary, demirbeton önümlerini we plastmassa penjireleri hem-de gapylary öndürýän kärhanalar hem bar.

Bu kärhanalaryň köpüsi häzirki wagtda hususy pudaga degişlidir.

S.Türkmenbaşy etrabynda gurlan zawod kerpiç öndürmek üçin niýetlenendir, ol kerpiçler binalaryň fasadyna örtgi üçin ulanylýar.

Şeýle hem sebitde plitalary öndürýän kiçi zawod, ýapyk binalarada bezeg üçin ulanylýan birnäçe ululykdaky we dürli reňkli plitalary öndürýär kärhana, suwuk emulsiýa boýagyny we kafel öndürýän, şeýle hem metaldan bolan önümleri öndürýän kiçi kärhana öz işlerini döwrebap guramagy başarýarlar.