Daşoguz welaýatynda ýer almanyň hasylyny ýygnamak işleri dowam edýär. Bu ýylda ol sekiz müň sekiz ýüz gektar ýere ekildi. Welaýatda ýeralma öndürmekde Akdepe etraby öňdebaryjy etraplaryň biridir. Bu ýerde şu güne çenli ekiniň aglaba bölegi, üç müň gektar meýdanda ýeralmanyň hasyly ýygnaldy. Etrabyň babadaýhanlary ýer almanyň kyrk müň tonnadan gowrak hasylyny ýygnamaklygy niýet edinýärler.

Şabat etraby iki müň gektar meýdanda ýeralma hasylyny ösdürip ýetişdirip, ýeralmany esasy öndürijileriň hataryna girýär. Bu ýylky hasyl ýerli toprak we howa şertlerine çydamly orta we iri görnüşli tohum bolup, ýokary hasyllylygy bilen hem tapawutlanýar. Aýratyn-da daýhanlar ideg işleriniň azlygyny we kesellere durnuklylygyny belleýärler.

Umuman, bu ýylda Daşoguz welaýatynyň babadaýhanlary ýüz ýigrimi müň tonnadan gowrak ýer almasyny taýýarlamaly. Bu netijäni gazanmak üçin her bir gektaryň hasyllylygy 140 sentnere barabar bolar. Şonuň üçin häzirki wagtda sebitiň ekin önümçiliginde her tapgyryň guramaçylyk derejesine aýratyn üns berilýär, ýygymyň zerur depgini saklanýar, hasyl ýygnamak bilen bagly işleriň ählisi utgaşykly alnyp barylýar.