Türkmenistanyň wekiliýeti 16–18-nji aprelde BMG-niň Ykdysady we Durmuş geňeşiniň (EKOSOS) Nýu-Ýorkdaky BMG-niň ştab-kwartirasynda geçirilen Ýaşlar forumyna gatnaşdy.
Türkmenistanyň Magtymguly adyndaky Ýaşlar guramasynyň Merkezi geňeşiniň halkara hyzmatdaşlyk bölüminiň başlygy Begenç Halnepesow we Halkara ynsanperwer ylymlary we ösüş uniwersitetiniň üçünji ýyl talyby Maral Allaberdiýewa wekiliýetiň düzüminde boldular. Olar ara alyp maslahatlaşmalara işjeň gatnaşdylar.
2024-nji ýylyň forumynyň temasy «2030-njy ýyla çenli Gün tertibiniň doly durmuşa geçirilmegine tarap barýarka, COVID-19-dan soň dikeldişi ýokarlandyrmak» boldy. Ol ýaşlaryň has adalatly we durnukly geljegi gurmak ugrundaky tagallalaryny birleşdirip, Durnukly ösüş maksatlaryna (DÖM) ýetmekligi maksat edinýär. Forum pikir alyşmak we çözgütleri taýýarlamak üçin ýerligi üpjün etdi.
Forumyň ahyrynda, COVID-19-dan soňky dikeldişi gowulandyrmak we DÖM-leriň gazanylmagyny çaltlaşdyrmak üçin teklipler bilen beýannama kabul edildi.
BMG-niň her ýyl geçirýän Ykdysady we Durmuş geňeşiniň Ýaşlar forumy 2012-nji ýylda açyldy we syýasaty ara alyp maslahatlaşmaga ýaşlaryň goşant goşmagyna itergi berýär.
