Durnuklaşyp ýetişmedik howa Türkmenistana hem bahar maýylganlygyny, hem aýaz getirer. Hepdäniň başyna howa 20 gradus, käte ondanam ýokary maýlar. Ýöne çarşenbe gününden başlap sebitleriň köpüsinde ygal ýagar we howa 0 gradusa çenli sowuk bolar diýlip çaklanylýar.

Aşgabatda üýtgäp durýan bulutly howa bolup, howa gündizlerine +15...+17, gijelerine +4...+6 gradus bolar. Hepdäniň ortasyndan howa 0 gradusdan +2 gradusa çenli sowar.Gar gatyşykly ýagyş ýagmagy ähtimal. Howa gijelerine –5 gradusa çenli sowar.

Ahal welaýatynda hem üýtgäp durýan bulutly howa bolup, howa gündizlerine +16...+21, gijelerine +4...+9 gradus bolar. Çarşenbe güni ýagyş we gar ýagmagy mümkin. Şunuň bilen baglylykda howa gündizlerine –2...+3, gijelerine –6 gradusa çenli sowar.

Balkan welaýatynda üýtgäp durýan bulutly howa bolar. Howa gündizlerine +16...+21, gijelerine +4...+9 gradus bolar. Hepdäniň dowamynda ýagyş ýagyp, güýçli şemal bolmagy ähtimal. Howa gündizine +9, gijesine –6 gradusa çenli sowar.

Mary welaýatynda aglaba ümürli howa bolar. Howa gündizlerine +16...+21, gijelerine +5...+10 gradus bolar. Hepdäniň ahyrynda howa gündizine –2, gijesine –7 gradusa çenli sowar. Ýagyş ýagar diýlip çaklanylýar.

Lebap welaýatynda üýtgäp durýan ümürli howa bolup, howa gündizlerine +13...+18, gijelerine +3...+8 gradus bolar. Dynç günlerine golaý howa gündizine –3...+2, gijesine – 9 gradusa çenli sowar. Ygal ýagmak ähtimallygy bar.

Daşoguz welaýatynda üýtgäp durýan bulutly howa bolup, howa gündizlerine +7...+12, gijelerine –1...+4 gradus bolar. Käýerlerde ýagyş ýagar. Hepdäniň ortasyna howa gündizine 0...–5, gijesine –10 gradusa çenli sowar diýlip çaklanylýar.