Aşgabat maliýe-ykdysadyýet orta hünär okuw mekdebinde paýtagtymyzyň umumy bilim berýän orta mekdepleriniň 12-nji synp okuwçylarynyň arasynda ykdysadyýetiň esaslary dersi boýunça olimpiada geçirildi.
Bäsleşik Türkmenistanyň Bilim ministrliginiň goldamagynda Aşgabat maliýe-ykdysadyýet orta hünär okuw mekdebi tarapyndan ýurdumyzyň Garaşsyzlygynyň 35 ýyllygy mynasybetli guraldy.
Olimpiada paýtagtymyzyň onlarça mekdeplerine wekilçilik eden zehinli okuwçylaryň 80-si gatnaşdy. Intellektual bäsleşigiň netijeleri boýunça oňa gatnaşyjylar 29 sany: 6 sany birinji, 10 sany ikinji we 13 sany üçünji baýrakly orunlary eýelediler.
Birinji orunlara paýtagtymyzdaky 68-nji orta mekdebiň okuwçysy Nepes Joragulyýew, 84-nji orta mekdebiň okuwçysy Myrat Aramedow, 29-njy orta mekdebiň okuwçysy Şöhrat Nepesow, 39-njy orta mekdebiň okuwçysy Bazar Jümmetow, 66-njy orta mekdebiň okuwçysy Aýgül Orazgeldiýewa hem-de 130-njy orta mekdebiň okuwçysy Muhammet Rejepow mynasyp boldular.
Şanazar Eminow (53-nji orta mekdep), Merjen Berdimyradowa (56-njy orta mekdep), Maýsa Berdigylyjowa we Myratgeldi Edepliýew (43-nji orta mekdep), Rahman Ataýew we Leýli Şamyradowa (6-njy orta mekdep), Söhbet Begsähedow (51-nji orta mekdep), Näzli Saparmuhammet (85-nji orta mekdep), Ogultäç Döwrangeldiýewa (67-nji orta mekdep) we Mekan Polatdyrdyýew (78-nji orta mekdep) ikinji orunlary aldylar.
Üçünji baýrakly orunlary Towar Rejepbaýew (98-nji orta mekdep), Salar Nagimow (19-njy orta mekdep), Aşyraly Gurbanmuhammedow (26-njy orta mekdep), Yhlas Abdyýew (76-njy orta mekdep), Aýjeren Hezretgulyýewa (114-nji orta mekdep), Humaý Ýusupowa (63-nji orta mekdep), Muhammetaly Rüstemow (64-nji orta mekdep), Ogultuwak Myratdurdyýewa (132-nji orta mekdep), Gülnur Atdaýewa (140-njy orta mekdep), Şabibi Hojamyradowa (123-nji orta mekdep), Osman Aşyrow (50-nji orta mekdep), Umyt Nurmuhammedow (38-nji orta mekdep) we Pälwan Ýalkapow (90-njy orta mekdep) eýelediler.
Ýeňijiler olimpiadanyň guramaçylarynyň degişli derejeli diplomlary hem-de gymmat bahaly sowgatlary bilen sylaglandylar.
Bäsleşik zehinli we ukyply ýaşlary ýüze çykarmak we höweslendirmek, okuwçylary hünär saýlamaklarynda goldamak, olaryň nazary bilimlerini ýokarlandyrmak, amaly başarnyklaryny ösdürmek, geljekki ýokary derejeli hünärmenleri taýýarlamak, hemmetaraplaýyn ösen ýaşlary terbiýelemek hem-de olaryň ylma we bilime höweslerini artdyrmak maksady bilen geçirildi.
