Ï Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär
mail-icon
altynasyr.newspaper@sanly.tm
EN RU TK

Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär

view-icon 233
Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär
Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär
Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär
Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär
Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär
Aşgabatda adatdan daşary ýagdaýlara taýýarlyk görmek boýunça Milli Ätiýaçlyk meýilnamasy işlenip düzülýär

2026-njy ýylyň 16 – 20-nji noýabry aralygynda Aşgabat şäherinde Türkmenistanyň Gyzyl Ýarymaý Milli jemgyýetiniň (TGÝMJ) Merkezi edarasynda dürli töwekgelçilikler bilen bagly adatdan daşary ýagdaýlarda hereket etmek boýunça Milli ätiýaçlyk meýilnamasyny işläp düzmäge bagyşlanan okuw maslahaty geçirilýär.

Bu çäre Halkara Gyzyl Haç we Gyzyl Ýarymaý jemgyýetleri federasiýasynyň, Türkmenistanyň Hökümetiniň hem-de Türkmenistanyň Gyzyl Ýarymaý Milli jemgyýetiniň 2026 – 2028-nji ýyllar üçin hyzmatdaşlyk meýilnamasyna laýyklykda guraldy.

Okuw maslahaty Ýewropa Komissiýasynyň ynsanperwer kömek we raýat goranyşy boýunça müdirliginiň (ECHO) maliýe goldawy, Halkara Gyzyl Haç we Gyzyl Ýarymaý jemgyýetleri federasiýasynyň hem-de Kanadanyň Gyzyl Haç jemgyýetiniň ýardamy bilen durmuşa geçirilýän «Merkezi Aziýada tebigy betbagtçylyklara we çökgünlik ýagdaýlaryna netijeli jogap bermek üçin taýýarlyk ulgamynda institusional mümkinçilikleri pugtalandyrmak» atly «Ynsanperwer hereketleri amala aşyrmak meýilnamasy» (HIP) taslamasynyň çäklerinde geçirilýär.

Okuw maslahatynyň işini Merkezi Aziýa boýunça Halkara Gyzyl Haç we Gyzyl Ýarymaý jemgyýetleri federasiýasynyň ýurtlaýyn klaster wekiliýetiniň maksatnamalar boýunça dolandyryjysy Nurlan Jumaliýew, Kanadanyň Gyzyl Haç jemgyýetiniň tebigy betbagtçylyklaryň töwekgelçiliklerini dolandyrmak, adatdan daşary ýagdaýlara taýýarlyk we halkara hyzmatdaşlyk boýunça uly geňeşçisi Alfiýa Sorokina, şeýle hem Federasiýanyň Türkmenistandaky ýurtlaýyn edarasynyň maksatnamalar boýunça utgaşdyryjysy, aragatnaşyk boýunça işgäri Amangeldi Gapbarow alyp barýarlar.

Maslahata Türkmenistanyň Gyzyl Ýarymaý Milli jemgyýetiniň Merkezi edarasynyň we welaýat bölümleriniň işgärleri, şeýle hem Türkmenistanyň Goranmak ministrliginiň Baş raýat goranyşy we halas ediş işleri müdirliginiň wekilleri gatnaşýarlar.

Bilelikdäki işleriň geçirilmegi tebigy we tehnogen häsiýetli howplar ýüze çykan ýagdaýynda ynsanperwer guramanyň hem-de döwlet gulluklarynyň hereketlerini häzirki döwrüň talaplaryna we adatdan daşary ýagdaýlaryň aýratynlyklaryna laýyklykda utgaşdyrmaga mümkinçilik berýär.

Maslahatyň dowamynda Türkmenistanyň Gyzyl Ýarymaý Milli jemgyýetiniň iş topary adatdan daşary ýagdaýlara jogap bermek ulgamynyň gurluşyna, hereket meýilnamasyny herekete getirmegiň ölçeglerine we Milli jemgyýetiň taýýarlyk babatdaky ileri tutulýan ugurlaryna seredýär hem-de olary kesgitleýär. Şeýle hem iş duşuşygynyň netijelerine laýyklykda, gurluşyny we mazmunyny mundan beýläk-de kämilleşdirmek mümkinçiligi göz öňünde tutulan adatdan daşary ýagdaýlarda hereket etmek boýunça meýilnamanyň taslamasy işlenip taýýarlanylýar.

Amaly sapaklaryň dowamynda oňa gatnaşyjylar ýurdumyz we sebitler üçin mahsus bolan töwekgelçiliklere baha berýärler, ynsanperwer kömegini dessin guramak boýunça dürli ýagdaýlaryň nusgalaryny seljerýärler. Şeýle-de döwlet edaralary bilen özara hyzmatdaşlygyň anyk hereket algoritmlerini işläp düzýärler. Bu işlerde Milli jemgyýetiň kömekçi gurama hökmündäki orny, Halkara Gyzyl Haç we Gyzyl Ýarymaý Hereketiniň çäklerindäki hyzmatdaşlyk, şeýle hem halkara jemgyýetçiligiň wekilleri bilen bilelikdäki hereketler aýratyn ähmiýete eýe bolýar.

Bäş günlük işiň netijesinde Türkmenistanyň Gyzyl Ýarymaý Milli jemgyýetiniň Milli ätiýaçlyk meýilnamasynyň taslamasynyň taýýarlanylmagyna garaşylýar. Bu resminama Milli jemgyýetiň dürli çökgünlik ýagdaýlarynda netijeli hereket etmäge taýýarlygyny ýokarlandyrmaga, şeýle hem onuň ynsanperwerlik ulgamynda döwletiň ygtybarly kömekçi hyzmatdaşy hökmünde mümkinçiliklerini pugtalandyrmaga ýardam berer.