Şu gün Türkmenistanda saýlawlary we sala salşyklary geçirmek baradaky Merkezi toparyň Geňeş agzalarynyň hem-de çykyp giden parlamentarileriň ýerine saýlaw okruglarynyň ikisi – Ahal welaýatynyň Kaka etrabynyň 26-njy we Mary şäheriniň 99-njy saýlaw okruglary boýunça Mejlisiň deputatlarynyň saýlawlaryna taýýarlyk görülmegine bagyşlanan nobatdyky mejlisi boldy. Oňa Merkezi saýlaw toparynyň agzalary, Merkezi saýlaw toparynyň ýanynda döredilen iş toparlarynyň, Merkezi saýlaw toparynyň diwanynyň işgärleri, milli synçylar, köpçülikleýin habar beriş serişdeleriniň wekilleri gatnaşdylar.
Saýlaw boýunça milli kanunçylyga laýyklykda, 19-njy awgustda geçiriljek saýlawlar bilen baglylykda ýaýbaňlandyrylan wajyp ähmiýetli tapgyr – Geňeş agzalygyna hem-de saýlaw okruglarynyň ikisi boýunça milli parlamentiň deputatlygyna dalaşgärleri görkezmek we hasaba almak tamamlandy. Welaýat saýlaw toparlarynyň ýolbaşçylarynyň hasabatlarynda bellenilmegine görä, ýurdumyzda Geňeş agzalarynyň 6100 sany mandatlaryny almak üçin dalaşgärleriň 12309-sy, şol sanda Ahal welaýatynyň saýlaw okruglarynyň 1049-sy boýunça – 2134-si, Balkan welaýatynyň saýlaw okruglarynyň 407-si boýunça – 886-sy, Daşoguz welaýatynyň saýlaw okruglarynyň 1412-si boýunça – 2824-si, Lebap welaýatynyň saýlaw okruglarynyň 1446-sy boýunça – 2893-si, Mary welaýatynyň saýlaw okruglarynyň 1786-sy boýunça - 3572-si hasaba alyndy. Ahal welaýatynyň Kaka etrabynyň 26-njy saýlaw okrugy we Mary şäheriniň 99-njy saýlaw okrugy boýunça Mejlisiň deputatynyň bir mandatyny almak üçin dalaşgärleriň ikisi hasaba alyndy. Dalaşgärler baradaky maglumatlar ýerli metbugatda çap edilýär.
Ýerli öz-özüni dolandyryş edaralarynyň we milli parlamentiň düzümine dalaşgärleriň arasynda oba hojalyk işgärleri, bilim, ylym we medeniýet, maliýe-ykdysadyýet ulgamlarynyň wekilleri, saglygy goraýyş we durmuş üpjünçiligi, halk hojalygynyň dürli pudaklary - senagat, gurluşyk, aragatnaşyk boýunça işgärler bar. Olaryň aglabasy jemgyýetçilik guramalaryna - Demokratik partiýa, kärdeşler arkalaşyklary, ýaşlaryň we zenanlaryň guramalaryna wekilçilik edýärler. Şeýlelikde, halkymyzyň durmuşyna degişli wajyp ähmiýetli meseleleriň çözülmegine raýat jemgyýetiniň ähli edaralarynyň iş ýüzünde gatnaşmagy üpjin edilýär.
Welaýat saýlaw toparlarynyň ýolbaşçylary dalaşgärleri görkezmäge ilatyň işjeň gatnaşandygyny hem-de muňa ýerlerde guramaçylyk taýdan uly işleriň geçirilmeginiň ýardam berendigini aýratyn bellediler. Saýlaw okruglarynyň ählisinde bir orna birnäçe dalaşgär görkezildi, munuň özi saýlawlary bäsdeşlik esasynda geçirmegiň ýörelgelerine doly laýyk gelýär.
“Halk maslahatlarynyň we Geňeş agzalarynyň saýlawlary hakynda” Türkmenistanyň Kanunynyň 36-njy maddasyna laýyklykda, dalaşgärleriň ählisine we olaryň ynanylan adamlaryna, Türkmenistanyň raýatlaryna, syýasy partiýalara, jemgyýetçilik birleşmelerine wagyz etmek – häzirki wagtda ýerlerde saýlawlaryň öňüsyrasyndaky ýygnaklarda, maslahatlarda we mejlislerde, şeýle hem köpçülikleýin habar beriş serişdelerinde çykyş etmek üçin deň hukuklar berilýär. Şunuň ýaly duşuşyklary saýlaw toparlaryna ýerli ýerine ýetiriji häkimiýete degişli we ýerli öz-özüni dolandyryş edaralary, kärhanalaryň, edaralaryň we beýleki düzümleriň ýolbaşçylary bilen bilelikde guramak tabşyryldy.
Mejlisde hezirki wagtda Merkezi saýlaw toparynyň meýilnamasynda göz öňünde tutulan esasy çärelerden daşgary, saýlaw toparlary raýatlaryň gyzyklanýan meseleleriniň ählisi boýunça maslahatlary berýärler hem-de adamlara häzirki zaman türkmen jemgyýetini mundan beýläk-de demokratiýalaşdyrmak, döwletde hakyky halk häkimiýetliliginiň ýörelgelerini pugtalandyrmak maksady bilen ornaşdyrylýan täze saýlaw ulgamynyň artykmaçlyklaryny düşündirýärler.
Merkezi saýlaw toparynyň mejlisiniň barşynda guramaçylyk meselelerine-de garaldy, şolar boýunça degişli çözgütler kabul edildi.
Saýlaw boýunça milli kanunçylyga laýyklykda, 19-njy awgustda geçiriljek saýlawlar bilen baglylykda ýaýbaňlandyrylan wajyp ähmiýetli tapgyr – Geňeş agzalygyna hem-de saýlaw okruglarynyň ikisi boýunça milli parlamentiň deputatlygyna dalaşgärleri görkezmek we hasaba almak tamamlandy. Welaýat saýlaw toparlarynyň ýolbaşçylarynyň hasabatlarynda bellenilmegine görä, ýurdumyzda Geňeş agzalarynyň 6100 sany mandatlaryny almak üçin dalaşgärleriň 12309-sy, şol sanda Ahal welaýatynyň saýlaw okruglarynyň 1049-sy boýunça – 2134-si, Balkan welaýatynyň saýlaw okruglarynyň 407-si boýunça – 886-sy, Daşoguz welaýatynyň saýlaw okruglarynyň 1412-si boýunça – 2824-si, Lebap welaýatynyň saýlaw okruglarynyň 1446-sy boýunça – 2893-si, Mary welaýatynyň saýlaw okruglarynyň 1786-sy boýunça - 3572-si hasaba alyndy. Ahal welaýatynyň Kaka etrabynyň 26-njy saýlaw okrugy we Mary şäheriniň 99-njy saýlaw okrugy boýunça Mejlisiň deputatynyň bir mandatyny almak üçin dalaşgärleriň ikisi hasaba alyndy. Dalaşgärler baradaky maglumatlar ýerli metbugatda çap edilýär.
Ýerli öz-özüni dolandyryş edaralarynyň we milli parlamentiň düzümine dalaşgärleriň arasynda oba hojalyk işgärleri, bilim, ylym we medeniýet, maliýe-ykdysadyýet ulgamlarynyň wekilleri, saglygy goraýyş we durmuş üpjünçiligi, halk hojalygynyň dürli pudaklary - senagat, gurluşyk, aragatnaşyk boýunça işgärler bar. Olaryň aglabasy jemgyýetçilik guramalaryna - Demokratik partiýa, kärdeşler arkalaşyklary, ýaşlaryň we zenanlaryň guramalaryna wekilçilik edýärler. Şeýlelikde, halkymyzyň durmuşyna degişli wajyp ähmiýetli meseleleriň çözülmegine raýat jemgyýetiniň ähli edaralarynyň iş ýüzünde gatnaşmagy üpjin edilýär.
Welaýat saýlaw toparlarynyň ýolbaşçylary dalaşgärleri görkezmäge ilatyň işjeň gatnaşandygyny hem-de muňa ýerlerde guramaçylyk taýdan uly işleriň geçirilmeginiň ýardam berendigini aýratyn bellediler. Saýlaw okruglarynyň ählisinde bir orna birnäçe dalaşgär görkezildi, munuň özi saýlawlary bäsdeşlik esasynda geçirmegiň ýörelgelerine doly laýyk gelýär.
“Halk maslahatlarynyň we Geňeş agzalarynyň saýlawlary hakynda” Türkmenistanyň Kanunynyň 36-njy maddasyna laýyklykda, dalaşgärleriň ählisine we olaryň ynanylan adamlaryna, Türkmenistanyň raýatlaryna, syýasy partiýalara, jemgyýetçilik birleşmelerine wagyz etmek – häzirki wagtda ýerlerde saýlawlaryň öňüsyrasyndaky ýygnaklarda, maslahatlarda we mejlislerde, şeýle hem köpçülikleýin habar beriş serişdelerinde çykyş etmek üçin deň hukuklar berilýär. Şunuň ýaly duşuşyklary saýlaw toparlaryna ýerli ýerine ýetiriji häkimiýete degişli we ýerli öz-özüni dolandyryş edaralary, kärhanalaryň, edaralaryň we beýleki düzümleriň ýolbaşçylary bilen bilelikde guramak tabşyryldy.
Mejlisde hezirki wagtda Merkezi saýlaw toparynyň meýilnamasynda göz öňünde tutulan esasy çärelerden daşgary, saýlaw toparlary raýatlaryň gyzyklanýan meseleleriniň ählisi boýunça maslahatlary berýärler hem-de adamlara häzirki zaman türkmen jemgyýetini mundan beýläk-de demokratiýalaşdyrmak, döwletde hakyky halk häkimiýetliliginiň ýörelgelerini pugtalandyrmak maksady bilen ornaşdyrylýan täze saýlaw ulgamynyň artykmaçlyklaryny düşündirýärler.
Merkezi saýlaw toparynyň mejlisiniň barşynda guramaçylyk meselelerine-de garaldy, şolar boýunça degişli çözgütler kabul edildi.
