Şu gün Täze, 2013-nji ýyly garşylamagyň öň ýanynda Kaka etrap merkezinde 16 öýli iki sany iki gatly ýaşaýyş jaýy ulanmaga berildi. Açylyş dabarasyna etrap, welaýat häkimlikleriniň wekilleri, hormatly ýaşulular, ýaşlar, şäherçäniň ýaşaýjylary we myhmanlary gatnaşdylar.
Dabaranyň barşynda oňa gatnaşyjylar Türkmenistanyň Prezidenti Gurbanguly Berdimuhamedowa ýurdumyzyň ähli künjeklerinde türkmenistanlylaryň ýaşaýyş-durmuş şertlerini gowulandyrmak meselelerine uly üns berýändigi üçin çuňňur hoşallyk bildirip, milletiň Liderini ýetip gelýän Täze ýyl mynasybetli gutlap, berk jan saglyk, uzak ömür we Watanymyzyň gülläp ösmeginiň bähbidine alyp barýan işlerinde ägirt uly üstünlikler arzuw etdiler. Medeniýet öýüniň döredijilik toparynyň çykyşy bu çärä aýratyn baýramçylyk öwüşginini çaýdy.
Täze binany Ahal welaýatynyň häkimliginiň düýpli gurluşyk müdirliginiň buýrmasy boýunça “Ahalgurluşyk” önümçilik birleşiginiň Kaka etrabyndaky 7-nji gurluşyk-gurnama müdirliginiň işgärleri gurdular. Gurluşykda has tapawutlananlara gymmat bahaly sylaglar gowşuryldy.
Desgalar bina edilende ekologiýa taýdan arassa gurluşyk we timarlaýyş materiallary ulanyldy. Olarda merkezleşdirilen ýyladyş ulgamy göz öňünde tutuldy. Aşhanalar häzirki zaman durmuş enjamlary bilen üpjün edilipdir. Binalaryň ýanaşyk ýerleri abadanlaşdyrylyp, her jaýyň ýanynda çagalar “şäherjigi” gurnalypdyr. Şeýle hem bu ýerde basketbol, kiçi futbol oýnamak üçin sport meýdançalary, köpçülikleýin çäreleri geçirmäge niýetlenen ýörite ýerler bar. Ýanaşyk ýerlerde pürli we ýaprakly agaç nahallarynyň onlarçasy oturdylypdyr, yşyklandyryş ulgymy çekilipdir. Kaka etrabyndaky täze ýaşaýyş jaýlary "Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň durmuş-ýaşaýyş şertlerini düýpli özgertmek boýunça 2020-nji ýyla çenli döwür üçin Milli maksatnamasynyň" çäklerinde bina edildi. Etrap häkimliginde habar berlişi ýaly, hemmetaraplaýyn amatly ýaşaýyş jaýlaryny gurmak mundan beýläk hem dowam etdiriler. Isleg bildirýänler olary ýeňillikli karzyň hasabyna alyp bilerler.
Dabaranyň barşynda oňa gatnaşyjylar Türkmenistanyň Prezidenti Gurbanguly Berdimuhamedowa ýurdumyzyň ähli künjeklerinde türkmenistanlylaryň ýaşaýyş-durmuş şertlerini gowulandyrmak meselelerine uly üns berýändigi üçin çuňňur hoşallyk bildirip, milletiň Liderini ýetip gelýän Täze ýyl mynasybetli gutlap, berk jan saglyk, uzak ömür we Watanymyzyň gülläp ösmeginiň bähbidine alyp barýan işlerinde ägirt uly üstünlikler arzuw etdiler. Medeniýet öýüniň döredijilik toparynyň çykyşy bu çärä aýratyn baýramçylyk öwüşginini çaýdy.
Täze binany Ahal welaýatynyň häkimliginiň düýpli gurluşyk müdirliginiň buýrmasy boýunça “Ahalgurluşyk” önümçilik birleşiginiň Kaka etrabyndaky 7-nji gurluşyk-gurnama müdirliginiň işgärleri gurdular. Gurluşykda has tapawutlananlara gymmat bahaly sylaglar gowşuryldy.
Desgalar bina edilende ekologiýa taýdan arassa gurluşyk we timarlaýyş materiallary ulanyldy. Olarda merkezleşdirilen ýyladyş ulgamy göz öňünde tutuldy. Aşhanalar häzirki zaman durmuş enjamlary bilen üpjün edilipdir. Binalaryň ýanaşyk ýerleri abadanlaşdyrylyp, her jaýyň ýanynda çagalar “şäherjigi” gurnalypdyr. Şeýle hem bu ýerde basketbol, kiçi futbol oýnamak üçin sport meýdançalary, köpçülikleýin çäreleri geçirmäge niýetlenen ýörite ýerler bar. Ýanaşyk ýerlerde pürli we ýaprakly agaç nahallarynyň onlarçasy oturdylypdyr, yşyklandyryş ulgymy çekilipdir. Kaka etrabyndaky täze ýaşaýyş jaýlary "Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň durmuş-ýaşaýyş şertlerini düýpli özgertmek boýunça 2020-nji ýyla çenli döwür üçin Milli maksatnamasynyň" çäklerinde bina edildi. Etrap häkimliginde habar berlişi ýaly, hemmetaraplaýyn amatly ýaşaýyş jaýlaryny gurmak mundan beýläk hem dowam etdiriler. Isleg bildirýänler olary ýeňillikli karzyň hasabyna alyp bilerler.
