Şu gün Ahal welaýatynyň Gökdepe etrabynyň Yzgant obasynda ýerleşýän Berdimuhammet Annaýew adyndaky 27-nji orta mekdepde Ýeňiş Gününe taýýarlyk görmegiň çäklerinde “Mugallym, esger, ilhalar, ynsan Berdimuhammet Annaýewiň gahrymançylykly ömür ýoly ýaşlar üçin görelde mekdebidir” atly dabaraly maslahat geçirildi. Maslahaty Türkmenistanyň Bilim ministrligi, ýurdumyzyň Demokratik partiýasynyň Syýasy geňeşi, Uruş weteranlary guramasynyň Merkezi geňeşi, Magtymguly adyndaky Ýaşlar guramasynyň Merkezi geňeşi we Ahal welaýatynyň häkimligi bilelikde guradylar.

Şunuň ýaly çäreleriň geçirilmegi urşa gatnaşan ildeşlerimize, olaryň mähriban topragymyzyň bagtyýarlygynyň we gülläp ösmeginiň bähbidine amala aşyran görlüp-eşidilmedik edermenligine goýulýan belent sarpanyň alamatydyr.

Dabaraly maslahat başlanmazyndan öň oňa gatnaşyjylar hormatly Prezidentimiziň atasy, watançy esger, halypa mugallym Berdimuhammet Annaýewiň ýadygärligine ter gül desselerini goýdular. Soňra bu ýerde guralan dabaranyň barşynda mekdebiň öňündäki meýdançada aýdym-sazly çykyşlar ýaýbaňlandyryldy, şeýle hem ýaş suratkeşleriň işelriniň sergisi guraldy.

Mekdebiň mejlisler zalynda geçirilen maslhatyň barşynda birnäçe çykyşlar diňlenildi. Çykyş edenler ýurdumyzyň gülläp ösmeginiň bähbidine amala aşyrýan hemmetaraplaýyn asylly işleri, Watanymyzyň erkinligini goran urşa gatnaşyjylar barada edýän yzygiderli aladalary üçin milletiň Lideri Gurbanguly Berdimuhamedowa tüýs ýürekden çykýan hoşallyklaryny beýan etdiler.