Aşgabat, 7-nji iýun /TDH/. Şu gün Türkmenistanda Saýlawlary we sala salşyklary geçirmek baradaky Merkezi toparyň mejlisi geçirildi. Onda Mejlisiň çykyp giden deputatlarynyň ýerine geçirilen saýlawlaryň gutarnykly netijeleri jemlendi.
Mejlisiň barşynda saýlawlaryň giň bäsdeşlik, aýanlyk we açyklyk ýörelgelerinde geçirilip, Türkmenistanyň ösüşiň demokratik ugruna hem-de hormatly Prezidentimiz Gurbanguly Berdimuhamedowyň döwletiň we jemgyýetiň durmuşynyň ähli ugurlarynda başyny başlan özgertmeler ýoluna ygrarlylygynyň subutnamasyna öwrülendigi nygtaldy.
Saýlawlarda saýlawçylaryň ýokary işjeňligi bellenildi. Saýlawlara bellenilen okruglaryň çäklerinde ýaşaýan adamlaryň 94 müňe golaýy gatnaşdy. Bu görkeziji saýlawçylaryň sanawyna girizilen umumy sanyň 81 göterimden gowragyna deň boldy. Şeýlelikde, saýlaw uçastoklarynyň 109-synyň hemmesinde saýlawlar geçirildi diýlip ykrar edildi.
Merkezi saýlaw topary çykyp giden deputatlaryň ýerine:
Aşgabat şäheriniň 7-nji saýlaw okrugy boýunça Türkmenistanyň Kärdeşler arkalaşyklarynyň Milli merkeziniň we Türkmenistanyň Zenanlar birleşiginiň Merkezi geňeşiniň başlygy M.Ýazmuhammedowany;
Ahal welaýatynyň 25-nji saýlaw okrugy boýunça Türkmenistanyň Senagatçylar we telekeçiler partiýasynyň Merkezi geňeşiniň başlygy O.Mämmedowy;
Lebap welaýatynyň 83-nji saýlaw okrugy boýunça Türkmenistanyň Magtymguly adyndaky Ýaşlar guramasynyň Merkezi geňeşiniň başlygy Ö.Enermyradowy;
Lebap welaýatynyň 89-njy saýlaw okrugy boýunça Magtymguly adyndaky Türkmen döwlet uniwersitetiniň okuw işleri boýunça prorektory B.Orazdurdyýewany;
Mary welaýatynyň 103-nji saýlaw okrugy boýunça Türkmenistanyň Kärdeşler arkalaşyklarynyň Mary welaýat birleşiginiň başlygynyň orunbasary K.Gurbanowy saýlanan deputatlar hökmünde bellige aldy.
Saýlawlaryň ähli tapgyrlaryna milli synçylarymyz—ýurdumyzyň jemgyýetçilik guramalarynyň we birleşikleriniň wekilleri gözegçilik etdiler. Olaryň işine ýokary baha berildi.
Mundan başga-da, MST-niň mejlisinde “Aşgabat şäheriniň hem-de Ahal welaýatynyň dolandyryş-çäk meseleleri hakynda” Türkmenistanyň Mejlisiniň 2013-nji ýylyň 18-nji awgustynda geçiriljek Aşgabat şäheriniň Abadan we Ruhabat, Ahal welaýatynyň Derweze etraplarynyň Halk maslahatlarynyň, Derweze etrabynyň Owadandepe geňeşliginiň Geňeş agzalarynyň saýlawlary boýunça 8-nji iýundan saýlaw möwsüminiň başlanýandygyny yglan etmek baradaky meselä garaldy.
Saýlawlara taýýarlyk görmek we guramaçylykly geçirmek boýunça iş meýilnamasyny ara alyp maslahatlaşmak we tassyklamak bilen, Merkezi saýlaw topary saýlawlar boýunça saýlaw resminamalarynyň nusgalaryny tassyklady. Dalaşgärleri görkezmek 19-njy iýunda başlanýar.
Mejlisiň ahyrynda oňa gatnaşyjylar Türkmenistanyň Mejlisiniň deputatlarynyň saýlawlarynyň ýokary guramaçylyk derejesinde, ýurdumyzda hereket edýän kanunlara hem-de halkara hukugynyň umumy kabul edilen kadalaryna laýyklykda geçirilendigini bellediler we öňde boljak saýlawlaryň hormatly Prezidentimiz Gurbanguly Berdimuhamedowyň başlangyjy bilen amala aşyrylýan giň gerimli özgertmeleri durmuşa geçirmegiň ýolunda nobatdaky möhüm waka, ýurdumyzda ýaýbaňlandyrylan demokratik özgertmeleriň dolanuwsyzlygynyň täze subutnamasyna öwrüljekdigine ynam bildirdiler.
Merkezi saýlaw toparynyň mejlisinde guramaçylyk meseleleriniň başga-da birnäçesi ara alnyp maslahatlaşyldy, olar boýunça degişli çözgütler kabul edildi.
Mejlisiň barşynda saýlawlaryň giň bäsdeşlik, aýanlyk we açyklyk ýörelgelerinde geçirilip, Türkmenistanyň ösüşiň demokratik ugruna hem-de hormatly Prezidentimiz Gurbanguly Berdimuhamedowyň döwletiň we jemgyýetiň durmuşynyň ähli ugurlarynda başyny başlan özgertmeler ýoluna ygrarlylygynyň subutnamasyna öwrülendigi nygtaldy.
Saýlawlarda saýlawçylaryň ýokary işjeňligi bellenildi. Saýlawlara bellenilen okruglaryň çäklerinde ýaşaýan adamlaryň 94 müňe golaýy gatnaşdy. Bu görkeziji saýlawçylaryň sanawyna girizilen umumy sanyň 81 göterimden gowragyna deň boldy. Şeýlelikde, saýlaw uçastoklarynyň 109-synyň hemmesinde saýlawlar geçirildi diýlip ykrar edildi.
Merkezi saýlaw topary çykyp giden deputatlaryň ýerine:
Aşgabat şäheriniň 7-nji saýlaw okrugy boýunça Türkmenistanyň Kärdeşler arkalaşyklarynyň Milli merkeziniň we Türkmenistanyň Zenanlar birleşiginiň Merkezi geňeşiniň başlygy M.Ýazmuhammedowany;
Ahal welaýatynyň 25-nji saýlaw okrugy boýunça Türkmenistanyň Senagatçylar we telekeçiler partiýasynyň Merkezi geňeşiniň başlygy O.Mämmedowy;
Lebap welaýatynyň 83-nji saýlaw okrugy boýunça Türkmenistanyň Magtymguly adyndaky Ýaşlar guramasynyň Merkezi geňeşiniň başlygy Ö.Enermyradowy;
Lebap welaýatynyň 89-njy saýlaw okrugy boýunça Magtymguly adyndaky Türkmen döwlet uniwersitetiniň okuw işleri boýunça prorektory B.Orazdurdyýewany;
Mary welaýatynyň 103-nji saýlaw okrugy boýunça Türkmenistanyň Kärdeşler arkalaşyklarynyň Mary welaýat birleşiginiň başlygynyň orunbasary K.Gurbanowy saýlanan deputatlar hökmünde bellige aldy.
Saýlawlaryň ähli tapgyrlaryna milli synçylarymyz—ýurdumyzyň jemgyýetçilik guramalarynyň we birleşikleriniň wekilleri gözegçilik etdiler. Olaryň işine ýokary baha berildi.
Mundan başga-da, MST-niň mejlisinde “Aşgabat şäheriniň hem-de Ahal welaýatynyň dolandyryş-çäk meseleleri hakynda” Türkmenistanyň Mejlisiniň 2013-nji ýylyň 18-nji awgustynda geçiriljek Aşgabat şäheriniň Abadan we Ruhabat, Ahal welaýatynyň Derweze etraplarynyň Halk maslahatlarynyň, Derweze etrabynyň Owadandepe geňeşliginiň Geňeş agzalarynyň saýlawlary boýunça 8-nji iýundan saýlaw möwsüminiň başlanýandygyny yglan etmek baradaky meselä garaldy.
Saýlawlara taýýarlyk görmek we guramaçylykly geçirmek boýunça iş meýilnamasyny ara alyp maslahatlaşmak we tassyklamak bilen, Merkezi saýlaw topary saýlawlar boýunça saýlaw resminamalarynyň nusgalaryny tassyklady. Dalaşgärleri görkezmek 19-njy iýunda başlanýar.
Mejlisiň ahyrynda oňa gatnaşyjylar Türkmenistanyň Mejlisiniň deputatlarynyň saýlawlarynyň ýokary guramaçylyk derejesinde, ýurdumyzda hereket edýän kanunlara hem-de halkara hukugynyň umumy kabul edilen kadalaryna laýyklykda geçirilendigini bellediler we öňde boljak saýlawlaryň hormatly Prezidentimiz Gurbanguly Berdimuhamedowyň başlangyjy bilen amala aşyrylýan giň gerimli özgertmeleri durmuşa geçirmegiň ýolunda nobatdaky möhüm waka, ýurdumyzda ýaýbaňlandyrylan demokratik özgertmeleriň dolanuwsyzlygynyň täze subutnamasyna öwrüljekdigine ynam bildirdiler.
Merkezi saýlaw toparynyň mejlisinde guramaçylyk meseleleriniň başga-da birnäçesi ara alnyp maslahatlaşyldy, olar boýunça degişli çözgütler kabul edildi.
