Türkmenistanyň Milli gyyzylýarymaý jemgyýetiniň Daşoguz, Lebap we Mary welaýat bölümlerinde ýerli adminstrasiýanyň jogapkär işgärleriniň, şeýle hem saglygy goraýyş, polisiýa, Türkmenistanyň raýatlyk goranyş we halas ediş müdirliginiň, migrasiýa gullugynyň, ýol gözegçilik edarasynyň welaýat müdirliginiň wekilleriniň gatnaşmaklarynda tegelek stoluň başynda maslahat geçirildi. Şeýle hem tegelek stoluň başynda geçirilen maslahata welaýat gazetleriniň habarçylary gatnaşdylar.

Bu duşuşyk uly göwrümde ynsanperwerlik işiniň başyny başlan Gyzyl ýarymaý haçynyň Halkara komitetiniň döredilmeginiň 150 ýyllygyna bagyşlandy. Türkmenistanyň Milli gyzyl ýarymaý jemgyýeti durmuş ähmiýetli maksatnamalryň birnäçesiniň ýerine ýetirilmeginde döwletiň ygtybarly kömekçisi bolup durýar.

Bolup gecen duşuşyklar edralaryň we giň jemgyýetçilik guramalarynyň, ilkinji nobatda welaýat guramalarynyň arasynda MGÝJ ynsanperwer işi baradaky maglumatlar bilen habarly bolmagyny ýokarlandyrmaga gönükdirilendir.

Mejlisiň dowamynda dünýä jemgyýetçiliginiň we türkmenistanyň Milli gyzyl ýarymaý jemgyýetiniň ynsanperwer işinde ýetilen sepgitler barada çykyşlar edildi. GH we GÝJ Halkara herekitiniň bölekleri hakynda maglumatlar berildi, MGÝJ baradaky wideofilm görkezildi, türkmenistanyň Kanunçylygyna laýyklykda gyzyl ýarymaýyň we Gyzyl Haçyň nyşanlaryny peýdalanmagyň we ony goramagyň meseleleri ara alnyp maslahatlaşyldy. Şeýle hem maslahata gatnaşyjylar “2013-2015 ýyllrda kommunikasiýalar boýunça startegiýalaryň” ýerine ýetirilişini barşy we MGÝJ welaýat bölümleriniň işi bilen tanyş boldylar.