>- diýen halk pähimi her ýylyň dekabr aýynyň ilkinji ýekşenbe güni bellenilip geçilýän Goňşokara baýramçylygynda ýaňlanýar.

Gadym wagtlardan bäri dowam edip gelýän halk pähimlerinde “Kyn günümde - goňşym”, “Öý satyn alma goňşy satyn al” diýlip aýdylýar. Türkmen durmuşynda möhüm ähmiýete eýe bolan hoşniýetli goňşuçylyk gatnaşyklary diňe bir halkyň aňynda özara gatnaşygyň zerurlygy we goňşulary özara goldamak hökmünde berkemän, eýsem, biziň ata – babalarymyzyň goňşy döwletler we beýleki milletleriň wekilleri bilen parahatçylykda we ylalaşykda ýaşamaga çalşandyklaryny aňladýar.


Garaşsyz, Bitarap Türkmenistan dünýäniň köp döwletleri we golaý goňşy ýurtlar bilen iň gowy gatnaşyklary saklaýar. Biziň hoşniýetli goňşuçylyk syýasatymyz parahatçylygy, howpsuzlygy we sebitde durnukly ösüşi üpjün etmäge gönükdirilendir. Türkmenistan mundan beýläk hem goňşy we dünýäniň beýleki ýurtlary bilen konstruktiw hyzmatdaşlygy saklar. Onuň maksady bolsa, ähli adamzadyň bähbidinden we bütin dünýäde pahatçylygy berkitmekden ybaratdyr.


Goňşokara baýramçylygy – bu diňe bir goňşularyň biri-birine duz-çörekleri hödür etmekleri bolan gadymy “goňşokara” däbi bolman, eýsem parahatçylygygyň nyşanydyr, türkmen halkynyň jebisliginiň we ylalaşygynyň nyşanydyr. Goňşokara baýramçylygyna Türkmenistanyň ilatynyň ählisi diýen ýaly gatnaşýar, düzüminde hormatly ýaşulylar, ýerli öz-özüňi dolandyryş we ýerine ýetiriji häkimiýetiň, öz konsert sanlary bilen çykyş edýän döredijilik toparlary bolan dürli sebitleriň wekilleri bilen duşuşyk alyş-çalyşlary geçirilýär. Elbetde, ‘goňşokarda’ däp bolşy ýaly, üsti milli tagamlardan we şirin nygmatlardan doldurylan uly saçak ýazylýar. Türkmen halkynyň bu ajaýyp we söýgüli baýramçylygyny dürli-dürli medeni çäreler we sport bäsleşikleri bezeýär.

“Hoş geldiňiz” – bu sözler hoşniýetli baýramçylykda ýurt boýunça her bir öýde, her bir maşgalada ýaňlanar.