Diňe fewral aýynda türkmenistanlylara asmandan gaýmalap düşýän akja garlary görmeklik miýesser etdi. Ön bulutsuz asmanyň astynda tukatly oturan Köpetdag, indi garly gerişlerinde ajaýyp ak arassa listleriň üstünde ýaňy lyžada typmaga başlanlaryň nagyş çekişini ýadyňa salýan görnüş peýda boldy. Ýakyn wagtda bu ýerde emeli garly lyžada typmaklyk üçin trassa emele geler. Häzirlikçe bolsa ýerli lyžaçylara hakyky garly ýapgytlarda typmaga mümkinçilik döredi.

Daşlaryň arasyndan görünýän ýaşyl otlar, güne tarap ymtylýan baglaryň şahajyklary , arçadan ak garjagazlary silkýän guşlaryň özlerini alyp barşyndan aýaz yza çekilýändigi aýdyň görünýär. Ýanwaryň aýaklarynda eýýäm dagyň gerişlerinden ak gülleri , ýagny gar erän dessine gögerýän podsnežnikleri tapyp bolýardy. Gyşyň az wagtlyk geýnüwi çalt wagtda çeşmeleriň şadyýan şyrryldysyna öwrülip, bize ilkinji bahar güllerini sowgat eder.